Цэц МАН-ыг хорлов | News.MN - Мэдээллийн эх сурвалж

Цэц МАН-ыг хорлов

Гишүүний бүрэн эрхээсээ өөрийн хүсэлтээр чөлөөлөгдсөн Д.Гантулгыг шүүх хурлаас хэргийг нэмэлт мөрдөн байцаалтад буцаах шийдвэр гаргав.  Ямар ч байсан шүүх энэ хэргийг яаж шийдэхийг олон нийт харж байгаа, хэрэг нэмэлт мөрдөн байцаалтад буцаагдлаа гээд асуудал  мартагдахгүй юм. Хүчингийн хэрэгт холбогдож, нэг нэрээ хоёр хочтой болгосон Д.Гантулгын хувьд энгийн иргэн болоод гурван сар болж, түүний сонгогчид төрд төлөөлөх хүнгүй болоод 90 хонож байна.   Түүний асуудал Хэнтийн 42 дугаар тойргийн 17 мянган сонгогчийг бүтэн жил төрд төлөөлөлгүй явуулж магадгүйд хүргэсэн, хэрэвзээ Цэцийн шийдвэрийг УИХ хүлээж авсан ч аваагүй аль аль тохиолдолд юм.

Энэ намар хоёр аймаг дөрвөн сум, дүүрэгт нөхөн болон дахин сонгууль явуулахаар болсныг СЕХ-ны  Ажлын албаны дарга Д.Баяндүүрэн хэлэхдээ Хэнтийн 42-р тойргийн асуудал УИХ-аас гарах шийдвэрийг хүлээж байгааг онцолжээ.  Өөрөөр хэлбэл, Үндсэн хуулийн Цэц зөвхөн Хэнтийн 42 дугаар тойрогт акцент өгсөн бололтой.

Үндсэн хуулийн цэцийн Дунд суудлын хуралдаанаас “Монгол Улсын Их Хурлын сонгуулийн 42 дугаар тойрогт нөхөн сонгууль товлон зарлах, санал авах өдрийг тогтоох тухай Улсын Их Хурлын 62 дугаар тогтоол нь Үндсэн хуулийн холбогдох заалтыг зөрчсөн байна” гэсэн шийдвэрийг наймдугаар сард гаргасан.  Энэ шийдвэрийг хамгийн их эсэргүүцэж байгаа нам бол МАХН. Тус намынхан хэвлэлийн бага хурал хийж “Цэцэд өргөдөл гаргасан төрийн албан хаагч бол МАН-ын дарга, Ерөнхий сайд У.Хүрэлсүхийн жолоочийнх нь хадам ээж” гэсэн мэдээлэл хийсэн. Тийм ч биз, үгүй ч биз.

Гэхдээ Цэц иргэний эрхээс илүү эрх баригчид, эрх ашигт үйлчилсэн нь бол худлаа биш юм. Уг нь Үндсэн хуулийг манаж байгаагийнхаа хувьд хүн сонгох, сонгох эрхтэй гэж заасан иргэний эрхэд Цэц халдах ёсгүй байсан юм. Хэрэвзээ манаж яваа хуульдаа үнэнч байдаг бол шүү дээ.

Намрын чуулган аравдугаар сарын 1-нд нээлтээ хийх бөгөөд  Цэцийн шийдвэрийг УИХ-ын чуулганаар хэлэлцэнэ.  Гэтэл  хуульд зааснаар бол аравдугаар сарын 7-нд нөхөн сонгуулийг явуулах учиртай.  Тиймээс үүнээс өмнө УИХ цэцийн шийдвэрийг хэлэлцэх хэрэгтэй болно. Хэлэлцлээ гэхэд сонгуулийн бэлтгэл ажил зогссон гээд шалтаг шалтгаануудыг нь тоочих юм бол Хэнтийн 42 дугаар тойрогт лав л энэ намар сонгууль  болохгүй, Н.Энхбаярын бүтэн жилийн усалгаа ч “ургац”-гүй үлдэх нь нэн тодорхой болсон..

МАН-ын хувьд нэг удаадаа асуудлаас бултаж  чадлаа гэхэд ирэх хавар энэ асуудалтай дахин нүүр тулах нь тодорхой.  Нэг жилийн дараа У.Хүрэлсүхийн рейтинг өнөөдрийнхөөс өснө гэж тооцох боломжгүй.  Тэгэхээр цэцийн шийдвэр МАН-д нэмэр биш гай болж болзошгүй юм. Иргэн Д.Гантулгатай холбоотой хэрэг сөхөгдөх бүрт экс гишүүн гэх тодотгол нь өмнө нь дагалдана, экс гишүүний нэр гарах бүрд эрх баригчдын нэр давхар хөндөгдөнө.

Иймээс л Цэцийн шийдэл  ганц Н.Энхбаярт биш У.Хүрэлсүхэд ч мөн ашиггүй.  Нөхөн сонгуулийг бүтэн жил хойшлуулснаар  экс гишүүн Д.Гантулгын  тарьсан дуулиан мартагдана, эрх баригчдын рейтинг өснө гэж үү. Хэнтийн 42 дугаар тойргийн асуудал босох бүрт экс гишүүний эвгүй хэрэг сөхөгдөнө, сэвэгдэнэ.

Ийм учраас магтан матна гэгчээр Үндсэн хуулийн цэц МАН-д туслах биш харин ч хорлочихсон юм биш үү.

 

"Болор дуран"-аар шалгав.

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-09-14 202.126.89.216

Одбаяр гэж хоосон амбиц сдаг зайлуулах хэрэгтэй

Зураач 2018-09-14 90.207.167.145

АН-д тусалсан Цэцэд баярлалаа, ккк!

Нямсүрэнд 2018-09-14 112.72.11.117

Нямсүрээн бүхнийг битгий өөрийнхөөрөө муу муухайгаар нь чиний хэодгээр хорлонтойгоор бодож бай л даа. Уиний мөн чанараар нийгэм амьсгалж огт болохгүй. Чи эм хүн,эх хүн.Сайн сайхныг бодож чадахгүй бол дуугүй л бай.

Зочин 2018-09-14 202.21.106.137

Өрсөлдөх гээд байгаа 14 нам байгаа биз дээ. Энхбаярт ашиггүй гээд л байх юм. МАН ын хадам ээж өрсөлдөх гээд МАН-ыгаа хүнд бөйдалд оруулчихсан уу.

иргэн 2018-09-14 103.229.177.66

Цэц зөв шийдвэр гаргасан. Имй дэмий улс төржсөн юм бичихийн оронд яагаад, ямар үндэслээлр цэцэ ингэж үзсэн гэдгийн иргэдэд ойлгуулах зүйл бичиж чадах мэдлэг, мэдээлэлтэй сэтгүүлч байхгүй юу?

зочин 2018-09-14 66.181.182.221

ҮХЦ-тэй цэцгүй энэ монгол улс чинь балардагаа баларчихаад байна шүүдээ,хамгын аюул нь иргэн хүн төрдөө итгэл алдана гэдэг нөхөгдөшгүй аюул шүүдээ.

Зочин 2018-09-14 202.126.89.94

songuuli yavuulah hereggvi.

МАН-Н ГИШҮҮН 2018-09-14 202.70.33.242

ЭНЭ СОНГУУЛИЙГ ЯВУУЛААД ДУУСГАХ ХЭРЭГТЭЙ . ГОЛ НЬ МОНГОЛД ШУДАРГА ЮМ БИЙ ГЭДГИЙГ ХҮЛЭЭН ЗӨВШӨӨР ХЭН ЯЛЛАА ГЭЭД ЭНЭ ЗАСАГТ ЯАЖ Ч НӨЛӨӨЛЖ ЧАДАХГҮЙ . ИЙМ ЖААХАН ЮМАН ДЭЭР МАНАЙ МАН НЭГ ИХ БАРЬЦ АЛДААД ЯАХ ГЭВ

Зочин 2018-09-14 64.119.18.99

чи нэг эргүү юм бичдэг яг хэвээрээ .аргагүй дээ.

Зочин 2018-09-14 203.217.139.225

Цэцийн нөхдүүд НАМ дагаж далдагнахаа болихгүй бол энэ Монгол улс баларлаа шүү. Түүх та нарыг өршөөхгүй гэдгийг үргэлж санах хэрэгтэй.