Онцгой байдлын ерөнхий газрын дэд дарга, хурандаа Ц.Ганзориг, Захиргаа удирдлагын газрын дарга, хурандаа Л.Болдбаатар, Дотоод хяналт, шалгалт аюулгүй байдлын газрын дарга, дэд хурандаа Г.Бат-Эрдэнэ, Гамшгийн шуурхай удирдлагын газрын хэлтсийн дарга, дэд хурандаа Л.Энхболд нар 21 аймгийн Онцгой байдлын газрын удирдлага, бие бүрэлдэхүүнтэй цахим хурлыг Гамшгийн шуурхай удирдлага, зарлан мэдээллийн төвд хийлээ.

Хурлаар цаг үеийн асуудлаар мэдээлэл сонсон, 2018 оны үйл ажиллагааны төлөвлөгөөний биелэлтийг хангах, Онцгой байдлын газарт Шуурхай удирдлага зарлан мэдээллийн төв байгуулах ажлыг эрчимжүүлэх, өвөлжилтийн бэлтгэл бэлэн байдлыг сайтар хангах үүрэг даалгавар өглөө гэж Онцгой байдлын ерөнхий газраас мэдээллээ.