Зэрлэг амьтдын амийг аврах стандарттай болов     | News.MN

Зэрлэг амьтдын амийг аврах стандарттай болов    

Хуучирсан мэдээ: 2018.09.14-нд нийтлэгдсэн

Зэрлэг амьтдын амийг аврах стандарттай болов    

-5000 гаруй зээр төмөр замын өргөст торонд өлгөгдөж үхжээ-

Зэрлэг амьтдын амийг аврах стандарттай болов    

Төмөр замыг зэрлэг амьтдын нүүдэлд саад болохгүйгээр барих нь маш чухал. Үүнд нүхэн болон гүүрэн гарцыг зайлшгүй байгуулах хэрэгтэй байдаг. Харамсалтай нь, Монголчууд төмөр замаа барихдаа энэ тал дээр анхаараагүйгээс болж олон зуун мянган зээрийн сүргийг баруун, зүүн хэсэгт хуваачихсан билээ. Үүнээс болж зээрийн сүрэг төмөр замын өргөст тортой хэсгээр гарах гэж торонд өлгөгдөж үхэх тохиолдол одоо ч гарсаар байна.

Тэгвэл зэрлэг амьтдын амийг аврах боломж гараад байна. Дэлхийн байгаль хамгаалах сан (WWF)-гийн Монгол дахь хөтөлбөрийн газар талуудтай хамтран ажиллаж боловсруулсан “Уулархаг нутгийн зам, замын байгууламжийн дагуу зэрлэг амьтдад зориулсан гарц” байгуулах стандартыг Стандартчилал, хэмжил зүйн газар баталжээ. Өмнө нь 2015 онд Монгол Улс төв Азийн орнуудаас анх удаа “Тал хээр, говь цөлийн бүсийн авто болон төмөр зам дагуу нүүдлийн туруутан амьтдад зориулсан гарц” байгуулах стандарттай болсон билээ. Ийнхүү хоёр стандарттай болсноор Монгол орны аль ч хэсэгт авто зам, төмөр зам барихдаа зэрлэг амьтдад зориулсан гарц заавал байгуулах ёстой болж байна.

Өргөст тор нь зэрлэг амьтдын шилжилт хөдөлгөөнийг хязгаарладаг төдийгүй үхэл, хорогдолд нөлөөлдөг маш том хүчин зүйл болох нь судалгааны дүнд батлагдсан байдаг. Тухайлбал, 2016 оны  нэг, хоёрдугаар сард их хэмжээний цас орсны улмаас зүүн аймгуудаас цагаан зээр баруун тийш нүүдэллэн төмөр замын торонд тулж улмаар 5000 гаруй зээр өргөст торонд өлгөгдөж үхсэн байсныг судалгаагаар тогтоосон юм.  Нутгийн зүүн хэсэгт төмөр зам барихдаа зэрлэг амьтдад зориулсан гарц хийхгүй бол зүүн хэсэгт үлдсэн зээрийн сүрэг дахин хуваагдаж мөхлийн ирмэгт тулах аюултай юм. Тиймээс шинээр батлагдсан стандартуудыг хэрэгжүүлэхэд анхаарах нь маш чухал болоод байна.

"Болор дуран"-аар шалгав.

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2018-09-14 66.181.187.22

AALZNII TOR SHIG TZ EKOLOGID MUU

Avatar

zochin 2018-09-14 66.181.187.22

ORGOSGUI TOR TAVI GEHDEE ONDOR GADAADAD NAMHAN TORON DEER HARAIDAG

Avatar

Mongol 2018-09-14 103.229.177.50

Hereguuleh hertei bh aa.

Avatar

monk 2018-09-14 103.26.195.182

zovoo zov

NewsMN Гар утасны хувилбар Татах
NEWS.mn

Мэдээллийн эх сурвалж