Хайрын дууны уран бүтээлчид болох “MC collection” хамтлагийнхан өөрсдийн зургаан жилийн ойн тоглолтоо “UB palace”-ын тоглолтын их танхимд сонсогч, фэнүүдтэйгээ тэмдэглэж өнгөрүүлсэн билээ. Эл  хамтлагийн гишүүн реппер MB өөрийн бие даасан “Хавсарна” цомгоо сонсогчиддоо зориулан гаргахаар шийджээ. 

Шинэ оны босгон дээр хип хоп сонирхогчдын хүртээл болж буй тус цомог 12 дуунаас бүтэж байгаа бөгөөд тун удахгүй нээлтээ хийх аж. Реппер MB-ийн сонсогчиддоо барьж буй томоохон бэлэг бол түүний цомгийг худалдаж авсан хүн бүр тун удахгүй хийх түүний бие даасан тоглолтонд үнэ төлбөргүй орох эрхтэй болох гэнэ. Харин түүний сонсогчдын хувьд нэг сумаар хоёр туулай буудах завшаан тохиов. Өөрөөр хэлбэл цомог авбал тоглолт үнэгүй үзэх эрхтэй болох нь ээ.

Э.ТЭКҮ