Ерөнхийлөгч Х.Баттулга өнөөдөр Путинтэй уулзана | News.MN

Ерөнхийлөгч Х.Баттулга өнөөдөр Путинтэй уулзана

Ерөнхийлөгч Х.Баттулга өнөөдөр Путинтэй уулзана

Ерөнхийлөгч Х.Баттулга өнөөдөр Путинтэй уулзана
battulga

Монгол Улсын Ерөнхийлөгч Х.Баттулга 2018 оны есдүгээр сарын 11-13-ны өдрүүдэд ОХУ-ын Владивосток хотноо болох Дорнын эдийн засгийн IV чуулга уулзалтад оролцож буй. Монгол Улсын Ерөнхийлөгч Х.Баттулга Дорнын эдийн засгийн IV чуулга уулзалтын үеэр ОХУ-ын Ерөнхийлөгч В.В.Путин, БНХАУ-ын дарга Ши Жиньпин, Япон Улсын Ерөнхий сайд Шинзо Абэ, БНСУ-ын Ерөнхий сайд Ли Наг Ён болон бусад албаны хүмүүстэй уулзахаар төлөвлөсөн.

ЕРӨНХИЙЛӨГЧ Х.БАТТУЛГА ШИНЗО АБЭТЭЙ УУЛЗАВ

Тэрбээр, өчигдөр Дорнын эдийн засгийн чуулган болох Русский арал дээр хүрэлцэн ирмэгц БНСУ-ын Ерөнхий сайд Ли Наг Ён бараалхсан юм. Уулзалтын эхэнд Монгол Улсын Ерөнхийлөгч Х.Баттулга Монгол, БНСУ-ын хооронд дипломат харилцаа тогтоосны 30 жилийн ой 2020 онд тохиох талаар дурдаж, энэхүү түүхэн ойг угтан хоёр улсын хамтын ажиллагаандаа бодит ахиц дэвшил гаргах хүсэлтэй байгаагаа илэрхийлсэн юм. БНСУ-ын Ерөнхий сайд Ли Наг Ён Монгол Улсын Ерөнхийлөгч Х.Баттулгад цаг зав гарган хүлээн авч уулзаж, хоёр улсын хамтын ажиллагааны талаар нээлттэй санал солилцох боломж олгосонд талархал илэрхийлээд БНСУ-ын Ерөнхийлөгч Мүн Жэ Иний мэндчилгээг уламжлав. Мөн Монгол Улсын Ерөнхийлөгчийг тус улсад айлчлахыг урьсныг энэ удаагийн уулзалтаар дахин уламжиллаа. Монгол Улсын Ерөнхийлөгч Х.Баттулга хоёр улсын хамтын ажиллагааг эрчимжүүлж технологи инноваци, аялал жуулчлал, хөдөө аж ахуй, эрчим хүчний салбарт хамтын ажиллагааг хөгжүүлэх, хоёр улсын залуу бизнесмэнүүдийг дэмжих зөвлөл байгуулах санал дэвшүүлж, энэ талаар дэлгэрэнгүй ярилцав. Мөн Зүүн хойд Азийн эрчим хүчний супер сүлжээ байгуулахад Монгол Улс нар, салхи, нүүрсний эх үүсвэрийн эрчим хүчний нийлүүлэгчээр оролцох сонирхолтой байгаагаа  илэрхийлэхэд БНСУ-ын тал уг саналыг хүлээн авах боломжтойгоо илэрхийлсэн юм. БНСУ-ын Ерөнхий сайд Ли Наг Ён Монгол Улсын Ерөнхийлөгчийн тавьсан ажил хэрэгч саналуудыг хүлээн авч хамтран ажиллахдаа таатай байх болно хэмээн онцлоод, тус улсын Ерөнхийлөгч Мүн Жэ Иний санаачилсан Зүүн хойд Азийн төмөр замын нийгэмлэгийг байгуулахад хамтран ажиллахыг санал болгосон юм. Талууд хоёр талын хамтын ажиллагааны түвшингээ шат ахиулж стратегийн түншлэлийн түвшинд хүргэхийн төлөө ажиллах тухайд санал нэгдэв.

Мөн өчигдөр Япон Улсын Ерөнхий сайд Шинзо Абэ Монгол Улсын Ерөнхийлөгч Х.Баттулгад бараалхаж, Монгол Улсын Ерөнхийлөгч Х.Баттулга Зүүн хойд Азийн эрчим хүчний супер сүлжээг байгуулахад Монгол Улс эрчим хүч нийлүүлэх сонирхолтой байгаагаа илэрхийлж, мөн Япон улстай аялал жуулчлал, хөдөө аж ахуй, эко хот байгуулах зэрэг чиглэлд өргөн хүрээтэй хамтран ажиллах сонирхлоо илэрхийлэв. Япон Улсын Ерөнхий сайд Шинзо Абэ Монгол Улсын Ерөнхийлөгчийн тавьсан дээрх саналуудыг дэмжин ажиллахаа илэрхийлж, Хөшгийн хөндийд баригдсан шинэ нисэх онгоцны буудлыг удахгүй ашиглалтад оруулах, аялал жуулчлалын салбарт тодорхой төлөвлөлт хийж хөгжүүлэх гэх мэт саналууд тавьж ярилцсан юм. Талууд хоёр улсын хамтын ажиллагааг эдийн засгийн түншлэлийн хэлэлцээрийн хүрээнд  түлхүү хөгжүүлж, Монгол Улсаас Япон улсад хийж байгаа экспортыг нэмэгдүүлэх, Бүс нутгийн аюулгүй байдал гэх мэт олон сэдвээр нээлттэй санал солилцлоо.

Монгол Улсын Ерөнхийлөгч Х.Баттулгын гадаад улсын Төрийн тэргүүн, Ерөнхий сайд нартай хийх хоёр талт уулзалт үргэлжилж байгаа бөгөөд өнөөдөр /2018.09.12/ ОХУ-ын Ерөнхийлөгч В.В.Путинтэй уулзах юм байна. Энэ удаагийн уулзалтаар Орос, Монгол, Хятад гурван улсын байгалийн хийн хоолойг Монголоор дамжуулах эсэх асуудал хөндөгдөж,  учир зангилаа нь нэг жилийн дараа Владивостокт Х.Баттулга, В.Путин нар уулзахдаа ямар шийдвэр гаргахаас шалтгаална гэсэн хүлээлттэй байгаа юм.

Монгол Улсын Ерөнхийлөгч Х.Баттулгыг дагалдан Гадаад харилцааны сайд Д.Цогтбаатар, Монгол Улсын Шадар сайд Ө.Энхтүвшин, Хөдөө аж ахуйн сайд Б.Батзориг, Уул уурхай, хүнд үйлдвэрийн сайд Д.Сумъяабазар болон бусад албаны хүмүүс явж байгаа юм.

Ш.ОЧ

"Болор дуран"-аар шалгав.

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-09-12 203.91.115.38

Майдар хот босгоно гэж байгаад төмөр замын 280 сая шиг хэдэн тэрбумыг татвар төлөгчдийн мөнгөнөөс луйвардах гэж байгаа болдоо

Avatar

Зочин 2018-09-12 66.181.167.194

Цээжээ түхийлгэж тагтаа пооз авдаг Төмөр замаас 280 сая доллар хулгайлж, 17 чингэлэг спиртийг ус болгосон шидтэн, номурангаас 120 сая доллар луйвардсны төлөөсөнд өмнийн говийн ашигт малтмалын ордыг солонгосуудад санал болгож, жапан тауны япон захирлын өрөөнд хар тамхи шургуулж газрыг нь булааж авсан явсан кармааны хулгайч жанхуу ичих ч үгүй со, жапануудаас гуйлгаа гуйсаар! Одоо бүр давраад өөртөө хот барина л гэнэ шүү. Ёстой салаавч өгье, муу атийсан тайрдас аа. Төмөр замаас 280 сая доллар буюу

Avatar

Жанкууга ид Монголчууд аа 2018-09-12 58.108.90.128

Эзнээ хараад гөлө г болох нь дээ

Avatar

АРД 2018-09-12 66.181.167.194

Хулгайч, луйварчин Төвд жанхуу үнэхээр ажлаа маш амжилттай гүйцэтгэж дэлхийн геополитикийн түүхэнд гаргасан цоо шинэ онол болох “крант болон танкны онол” нь бодит амьдрал дээр маш амжилттай хэрэгжиж зөвхөн нэг жилд гэхэд л Монгол улсын бүхэл бүтэн 1 жилийн ДНБ-тэй тэнцэх хэмжээний 10 тэрбум долларын орлогыг боомилон хааж, тэр хэмжээний мөнгө Оросын эдийн засагт дахин 25 жилийн хугацаанд урсан орох болсныг, мөн х*******н танкны аюулаас сэргийлэхийн тулд Монгол улсыг ШХАБ-д элсүүлэх бэлтгэл ажил ү

Avatar

mongol 2018-09-12 66.181.178.223

setgetsiin uvchtei nuhduudiin bichsen yamiig bitgii too humuusee uursduu neg ih mundagch yam shig hun doromjlohoos uur yam medehgui teneguud

Avatar

Зочин 2018-09-12 66.181.184.11

Манай хvн Хитад хvнтэй бол харин ч нэг уулзахгvй , гар барихгvй зереед енгерех байлгvй дээ!! Монгол нь ялнаа!!

Avatar

Зочин 2018-09-12 202.21.106.109

Хоелуу бөх барилдая би чамайг дийлнэ гэнээ

Avatar

Зочин 2018-09-12 66.181.186.132

Yu yarij halaah bol.

NewsMN Гар утасны хувилбар Татах
NEWS.mn

Мэдээллийн эх сурвалж