К.Роналдогүй Португалын шигшээ эхний хожлоо авлаа

Үндэстнүүдийн лигийн тоглолтууд үргэлжилж байна. Португалын шигшээ баг талбайдаа Италийн шигшээ багийг хүлээн авч А.Силвагийн гоолоор ялалт байгуулж Үндэстнүүдийн лигийн эхний ялалтаа авлаа. Тус тоглолтонд дэлхийн шилдэг тоглогч К.Роналдо оролцоогүй. Гэхдээ Португалын шигшээ эхний хожлоо авч чадсан. Харин эхний тоглолтондоо Польштой тэнцээд байсан Италийн шигшээ баг хожигдол амссанаар хүнд байдалд орж байна. Португалын шигшээ баг А лигийн 3-р хэсэгт Итали, Польшийн шигшээ багуудын хамт багтсан бөгөөд маргааш Польшийн шигшээ багтай тоглоно.

Португал 1-0 Итали (гоол: А.Силва 48’)

Португал: Р.Патрисио, Ж.Канселу, Пепе, Р.Диас, М.Руй, Пиззи (Р.Санчес 74’), Р.Невес, У.Карвальо (С.Оливейра 86’), Б.Силва, А.Силва, Брума (Ж.Мартинс 77’)

Итали: Ж.Доннарумма, М.Лаззари, А.Ромажноли, М.Калдара, Д.Крискито (Эмерсон 74’), Ж.Бонавентура, Жоржиньо, Б.Кристанте (А.Белотти 79’), Ф.Чьеса, С.Заза, К.Иммобиле (Л.Берарди 59’)

Турк хоёр тоглолт хийж эхний хожлоо авлаа

Үндэстнүүдийн лигийн В лигт багтсан Турк улсын шигшээ баг 2 дахь тоглолтоо Шведийн талбайд зочлон хийлээ. Эхний тоглолтоо Орос улсын шигшээ багтай хийж хожигдоод байсан тул Шведтэй хийх тоглолт нь маш чухал тоглолт байсан. Ямартаа ч хожигдох эрхгүй тоглолтонд ялалт байгуулж эхний хожлоо авсан байна. Тоглолтыг эргүүлсэн х-фактор нь Э.Акбаба байсан бөгөөд тоглолтын 2-р үеийн 50 дахь минутанд талбайн эзэд 2-0 харьцаатай тэргүүлж байв. Удалгүй Х.Чалханоглу эхний гоолыг оруулсан бол дасгалжуулагчийн 62 дахь минутанд хийсэн сэлгээ тоглолтын үр дүнг бүрэн өөрчилсөн.

Швед 2-3 Турк (гоол: И.Телин 34’, В.Классон 49’, Х.Чалханоглу 51’, Э.Акбаба 88’, 90+2’)

Швед: Р.Ольсен, М.Лустиг (Э.Крафт 79’), В.Линдлёф, П.Янссон, Л.Аугустинссон, Ж.Дурмаз (М.Роден 71’), С.Ларссон, А.Экдаль (О.Хальемарк 56’), В.Классон, И.Телин, М.Берг

Турк: С.Болат, М.Челик, К.Айхан, Ч.Сёюнжю, О.Байрам, М.Топал (Э.Акбаба 62’),О.Йокушлу , Ж.Ундер (С.Гюрлер 77’), О.Огузхан, Х.Чалханоглу (Ю.Маллы 86’), Ж.Тосун

Косовогийн шигшээ баг анхны хожлоо авлаа

Үндэстнүүдийн лигийн С, D лигүүдэд тус бүр 3 тоглолт боллоо. Эдгээр тоглолтуудаас D лигт багтсан Косово улсын шигшээ баг түүхэндээ анх удаагаа ОУ-ын тэмцээнээс ялалтаа байгууллаа. Бие даасан Косовогийн хөлбөмбөгийн шигшээ баг 1998 он хүртэл хуучин Югославын бүрэлдэхүүнд багтаж байсан бол 2014 он хүртэл ФИФА-н гишүүн бус байв. Мөн Европын АШТ-нд 1996 онд хүртэл Югослав улсын бүрэлдэхүүнд багтаж байсан. Иймд Косовогийн оролцож буй анхны ОУ-ын тэмцээн нь Европын Үндэстнүүдийн лиг болж байна.

C лиг: