Монгол Улсын Засгийн газрын тогтоолоор Увс аймгийн Баруунтуруун суманд Гал түймэр унтраах, аврах 60 дугаар ангийг байгуулж, 2017 онд нээлтийг хийсэн билээ.

Тэгвэл тус ангийн шинэ барилгын шав тавих ёслол 9 дүгээр сарын 3-ны билэгт сайн өдөр боллоо.

Уг арга хэмжээнд Онцгой байдлын ерөнхий газрын дэд дарга, хурандаа Ц.Ганзориг, Баруун бүсийн төв, Ховд аймгийн Онцгой байдлын газрын дарга, дэд хурандаа Б.Алтанбадралт, аймгийн Засаг даргын орлогч Т.Нямсамбуу, Онцгой байдлын газрын орлогч, урьдчилан сэргийлэх тасгийн дарга, дэд хурандаа Д.Өлзийт болон сумын удирдлагууд оролцсон юм.

Барилгын ажил энэ сарын 07-ноос эхлэх бөгөөд Улаанбаатар хотын “Нью сувагт констракшн” ХХК барьж, 2019 оны наймдугаар сард ашиглалтад оруулахаар гэрээ байгуулан ажиллаж байна гэж Онцгой байдлын ерөнхий газраас мэдээллээ.