Ерөнхийлөгчийн зарлигаар Владислав Александрович Третьякийг “Найрамдал” медалиар шагналаа | News.MN

Ерөнхийлөгчийн зарлигаар Владислав Александрович Третьякийг “Найрамдал” медалиар шагналаа

Ерөнхийлөгчийн зарлигаар Владислав Александрович Третьякийг “Найрамдал” медалиар шагналаа

Ерөнхийлөгчийн зарлигаар Владислав Александрович Третьякийг “Найрамдал” медалиар шагналаа

Монгол Улсын Ерөнхийлөгч Х.Баттулгын урилгаар ОХУ-ын Төрийн Думын гишүүн, ОХУ-ын хоккейн холбооны ерөнхийлөгч Владислав Александрович Третьяк Монгол Улсад айлчилж байна.

Айлчлалын хүрээнд, Монгол-Орос хоёр улсын урт хугацааны олон талт хамтын ажиллагаа, тэр дундаа өвлийн спортыг Монгол Улсад хөгжүүлэх үйлсэд үнэтэй хувь нэмэр оруулж буй ОХУ-ын Төрийн Думын гишүүн, ОХУ-ын хоккейн холбооны ерөнхийлөгч, олимпын гурван удаагийн аварга, олимпын мөнгөн медальт, дэлхийн 10 удаагийн аварга В.А.Третьякийг өнөөдөр Монгол Улсын Ерөнхийлөгч Х.Баттулгын зарлигаар Төрийн дээд “Найрамдал” медалиар шагналаа.

Шагналыг өнөөдөр Монгол Улсын Ерөнхийлөгчийн Тамгын газрын дарга З.Энхболд гардуулж, баяр хүргэн ярилцав. Ноён В.А.Третьяк Монгол Улсын Төрийн дээд шагнал гардаж буйдаа талархал илэрхийлээд “Хоёр улсын хамтын ажиллагаа, тэр дундаа хоккейн спортыг хөгжүүлэхийн төлөө  илүү их хүчин чармайлт гарган ажиллахаа” хэлэв.

Мөн Улсын Ерөнхийлөгчийн Тамгын газрын дарга З.Энхболд ноён В.А.Третьякт баяр хүргэн, Монгол Улсад хийж буй айлчлал хоёр орны хамтын ажиллагааг ялангуяа мөсний хоккейн спортын чиглэлээр өргөжүүлэн хөгжүүлэхэд үнэтэй хувь нэмэр оруулах чухал ач холбогдолтой болно гэдэгт итгэлтэй байгаагаа хэлсэн юм.

Мэдээний дүрсийг хүлээн авч үзнэ үү:

Эх сурвалж: www.president.mn

"Болор дуран"-аар шалгав.

2 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-09-04 66.181.167.194

Оросын хүргэн баахан аймаар муухай харж тагтаа байдалтай тэнэг пооз авч шоудав шив дээ.Өр тэглэнэ гэсэн сураггүй.Оффшорчдод 49 хоног өгсөн чинь таг чиг. 30 луйварчин гэр бүлээ 30 лиценз эзэмшигч болгоод бас мартчихсан.Шанхайд Монголыг элсүүлнэ гэж зү

бид 2018-09-04 103.212.118.250

Уг нь одонгоор шагнасан бол улам л сайн байх байсандаа.

NewsMN Гар утасны хувилбар Татах
NEWS.mn

Мэдээллийн эх сурвалж