Шатахууны үнийг Ерөнхий сайд тогтоодоггүй | News.MN

Шатахууны үнийг Ерөнхий сайд тогтоодоггүй

Хуучирсан мэдээ: 2018.09.03-нд нийтлэгдсэн

Шатахууны үнийг Ерөнхий сайд тогтоодоггүй

Шатахууны үнийг Ерөнхий сайд тогтоодоггүй

Хагас жилийн хугацаанд импортлогчид шатахууныхаа үнийг гурван ч удаа нэмлээ. Хамгийн сүүлд гэхэд өнгөрсөн долоо хоногт шатахууны 20-30 төгрөгөөр нэмжээ. Шатахууны үнийн нэмэгдэл цаашлаад өргөн хэрэглээний бараа бүтээгдэхүүний үнийг өсгөдөг.

Цалингийн нэмэгдэл, шатахууны үнийн өсөлт өргөн хэрэглээний бараа бүтээгдэхүүний үнийг хөөрөгдөж эхэллээ. Иргэд бухимдалтай, мөнөөх л муу л бол захын хар овоохой гэгчээр Засгийн газрыг шүүмжилж эхлэв. Гэтэл үнэндээ Засгийн газар нь шатахууны үнийг тогтвортой байлгах гэж онцгой албан татварыг нь тэглэж, бүхий л боломжоо ашиглаж буй. Засгийн газраас валютын ханш болон дэлхийн зах зээл дээрх газрын тосны үнийн өсөлттэй уялдсан татварын бодлогыг хэрэгжүүлснээр шатахууны хангамж тогтвортой байгаа.

Шатахууны хувьд Монгол Улс гадаад зах зээлээс, ялангуяа Оросоос шууд хамааралтай хэвээр байгааг тоон баримтаас харж болно.

Өнгөрсөн онд импортлосон шатахууны хэмжээг тооцвол 94.5 хувийг нь ОХУ, 3.4 хувийг БНСУ, 1.8 хувийг БНХАУ, үлдсэн 0.3 хувийг бусад улсуудаас импортложээ. Энэхүү статистикаас харахад Монгол Улс Москвагаас шатахууны хувьд бүрэн хамааралтай гэсэн үг.

Ерөөс шатахууны үнийн асуудал Монгол Улсын зовлон байсаар л байгаа.  Дотооддоо нефть боловсруулах үйлдвэр барих хүртэл шатахууны үнийн нэмэгдэл олон нийтийн бухимдал, шүүмжлэл дагуулах нь тодорхой. Учир нь дэлхийн зах зээлд нефтийн үнэ хэрхэн өсөх дээр нь дотоодын зах зээлд долларын ханш яаж өөрчлөгдөх нь шатахууны үнийг өсгөх шалтгаан болж ирсэн.

Тухайлбал, Ойрх Дорнодын бүс нутгийн орнуудын геополиткийн зөрчилдөөн, валютын ханшийн өөрчлөлт, АНУ-ын газрын тосны олборлолтын хэмжээний өөрчлөлт, Ираны цөмий хөтөлбөрийн эсрэг АНУ-аас авч хэрэгжүүлж буй  хориг арга хэмжээ зэрэг олон талын нөлөөллөөр дэлхийн зах зээл дээрх газрын тосны үнэ 2018 онд тогтмол өссөнөөр брент төрлийн газрын тосны сарын дундаж үнэ 2018 оны нэгдүгээр сард 69.02 ам.доллар байсан бол 2018 оны наймдугаар сард 73 ам.доллар болж 5.8 хувиар өссөн байна.  Энэхүү 5.8 хувийн өсөлт Монголд 20-30 төгрөгийн нэмэгдэл болж дотоодын зах зээлд зарагдаж буй шатахууны үнэд шингэсэн гэсэн үг.

ОХУ нь дэлхийн зах зээлийн газрын тосны үнийн хандлагаас үүсээд буй дотоодын шатахууны үнийн өсөлтөөс сэргийлж өнгөрсөн наймдугаар сараас эхлэн газрын тосны бүтээгдэхүүний экспортын татварыг 30-90 хүртэл хувиар нэмэгдүүлэх эрхийг ОХУ-ын Төрийн Думаас нь  Засгийн газартаа олгоод байгаа. Мөн онцгой албан татвар (ОАТ)-ын хувь хэмжээг бүтээгдэхүүний төрөл, экологийн ангилалаас хамааруулан 2019 оны 01 дүгээр сараас нэмэгдүүлэхээр тогтсон зэрэг гол импортлогч улсаас өгч буй мэдээллийг харвал Монгол Улс цаашдаа өөрийн үндэсний үйлдвэртэй болохоос өөр гарцгүй.

Өнгөрсөн хугацаанд Засгийн газрын зүгээс шатахууны үнийг яавал тогтвортой байлгах вэ гэдэг дээр бодлогын хувьд байнгын зохицуулалт хийсээр ирсэн билээ. Эдийн засгийн олон олон шалтгааны улмаас үе, үеийн засгийн газар шатахууны үнэд бодлогоор оролцохоос өөр аргагүй болдог. Гэхдээ мэдээж, үнийг хүчээр барих ч юм уу, төгрөг үйлдвэрлэж импортлогчдод тараах нь түр хугацааны гал намжаах арга болохоос эдийн засгийн хувьд зөв хөшүүрэг биш.  Үнийг яаж суурь үнэд нөлөөлөхгүй барьж болох хувилбараа өргөтгөсөн ажлын хэсэг байгуулаад ажиллаж байгаа тухай Сангийн сайд хэлсэн, үүнийг нь харах л үлдэж байна.

Монгол Улс ОХУ-ын “Роснефть” компанитай урт хугацаанд хамтран ажиллаж ирсэн. 2014 оны  тавдугаар сард ОХУ, Монгол улсын аж ахуйн нэгжүүд хооронд байгуулсан худалдааны гэрээнд бүтээгдэхүүний үнийг Сингапурын олон улсын бирж дээрх шатахууны үнэд суурилсан томъёоллоор сар бүр тооцдог болсон нь дэлхийн зах зээл дээрх өрсөлдөхүйц үнээр бүтээгдэхүүн худалдан авах боломжийг бүрдүүлсэн байдаг. Уг гэрээний хугацаа дуусах дөхсөнтэй холбоотойгоор 2017, 2018 онуудад хоёр улсын Засгийн газар хоорондын төвшинд болон Роснефть компанийн удирдлагуудтай хийсэн удаа дараагийн уулзалтуудаар “Бүтээгдэхүүн нийлүүлэх үндсэн гэрээ”-нд заасан үнэ тооцох томъёололд өөрчлөлт оруулж, 2018 оны  тавдугаар сарын 1-ний өдрөөс бүс нутаг, бүтээгдэхүүний төрлөөс хамааран шатахууны үнийг 20-40 ам.доллараар бууруулахаар тохиролцжээ.

Түүнээс Ерөнхий сайд нефть импортлоод, зараад, үнийг нь нэмээд байгаа асуудал огтхон ч биш. Түүний нэг амбиц бол үндэсний газрын тосны үйлдвэр барьж, ашиглалтад оруулах. Ингэснээр Монгол Улс үнийн хувьд, үндэсний аюулгүй байдлын хувьд ч хамгаалалттай болох юм.

Ж.ЭРХЭС

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2018-09-03 59.153.114.170

шатахууны үнийг ерөнхий сайд тогтоодгүйг бид мэднэ,харин шатахууны үнэнд хяналт тавиулах,асуудлыг шийдэх эрх нь ерөнхий сайдад байдагыг бид бас с айн мэднэ,шатахууны үнээр дамжуулаж иргэдийнхээ амьдралд халамж үзүүлдэг ерөнхий сайдтай болохыг үзээд нартаас явдаг арга байдаг бол уу?

Avatar

Зочин 2018-09-03 202.170.84.184

Энэ хуурамч шатахуун үйлдвэрлээд зараад байна гэсэн мэдээлэл хэдэн сар л явлаа. Шалгаад ялгаад шийтгээд өгдөг Ерөнхий сайд л хэрэгтэй байна.

Avatar

Зочин 2018-09-03 202.9.41.83

Үнэ тогтоохгүй боловч бодлогыг нь тодорхойлоно, зохиуцуулалт хийж нөлөөллийг нь багасгах үүрэгтэй

Avatar

Зочин 2018-09-03 202.9.40.82

Чадахгүй бол чаддагт нь ажлаа өгчихөө. Чаддаг аавын хүү бий.

Avatar

Ямар 2018-09-03 182.160.38.61

" Догь " ЕС " вэ? " Хайр хүрчихлаа ".

Avatar

зочин 2018-09-03 91.219.236.171

Шатахууны ханшийг барина гэж байхгүй л дээ. Төр шатахууны ханшийг мэдэлдээ авчихвал барьж болох л юм…

Avatar

Zochin 2018-09-03 66.181.160.85

Delkhiin zah zeel deer gazriin tosnii une osood bhad mongold yaj une barihaw dee…

Avatar

Зочин 2018-09-03 66.181.185.215

Ерөнхий сайдын харьяа агентлаг Шударга өрсөлдөөн хэрэглэгчийн төлөө газар үгсэн хуйвалдан үнээ нэмж хэрэглэгчдийг хохироож байхад хяналт тавьж арга хэмжээ авах ёстой шүү дээ. Тэр байгууллагаа ажиллуулж чадахгүй бол Ерөнхий сайд нь хариуцлага хүлээ

Avatar

Иргэн 2018-09-03 43.243.161.23

Eronhii said togtoodoggui geel suudaldaa uldeh uu te ? Eronhii said gvitsetgeh zasaglaliin terguun busad uy uyiin Eronhii said chini arga hemjee avaad bolood bsiin. Chinii tolgoi hurehgui ugaasaa naad suudlaa og archaagui chadvargui Hurelsuh

Avatar

Зочин 2018-09-03 139.5.218.208

ХУУРАМЧ СТАНДАРТ БУС ШАТАХУУНАА ЗОГСООЧИХ АЯНДАА ҮНЭ БУУЖ БАЙНА ТОЛГОЙГҮЙ ТӨР ЗАСАГ МАНАН БҮЛГИЙН ХОРЛОЛООР ЮУ Ч ХИЙНЭЭ

Avatar

Зочин 2018-09-03 64.119.19.187

ХАРАНХУЙ ЕРӨНХИЙ САЙД .

Avatar

Шурдага гэгч Оюун-Эрдэнэ хаана явна 2018-09-03 64.119.26.131

Төр засаг нийгмийн тулгамдсан асуудлыг тэр дундаа амьжиргааны бүх суурь үнэд нөлөөлдөг шатахууны үнийг хянадаггүй улс байхгүй биз ээ. Чухам яаж зохицуулах нь л чухал. Тэгвэл би шатхуун импордол хүн үнээ маргааж 3000 төгрөг гээд зарлалаа. боноо до

Avatar

Зочин 2018-09-03 64.119.21.97

Шатахууны үнэ ЕС-д хамаагүй гэх нь шив дээ. Наад шатахуунаас чинь бүх зүйл хамаарч байгааг мэддэггүй яасан мулгуу юм бэ. Энэ Засгийг огцруулах хэрэгтэй. Ямар ч чадамжгүй.

Avatar

Зочин 2018-09-03 182.160.3.39

Энэ долдой одоо юугаа бичээд байнаа.Юуны тулд улс оронд ерөнхий сайд засгийн газар гэж байдаг юм.Хэдэн жилийн өмнө дэлхийн зах зээл дээр нефтийн үнэ 170 доллар хүрч байхад мрнгол улсад бензины үнэ одоогийнхоос хэдэн зуун төгрөгөөр хямд байсан гэдгий

Avatar

Зочин 2018-09-03 43.242.243.178

ЭБИ тарвага Капла Жастин нарын мөнгөө олж ирж үнэ тогтворжуул.

Avatar

Зочин 2018-09-03 43.242.243.178

гэхдээ олон улсад шатахууны үнэ 3 4 дахин буураад байхад үнэ буугаагүй байж үнэ тогтвортой байхад 200 300 төгрөгөөр өсөөд байдаг нь Тэр том хулгайч 60 тэрбумын нөлөө байна дааа.

Avatar

Зочин 2018-09-03 202.21.96.212

2013-2016 онд шатахууны үнэ нэг ч төгрөгөөр өсөөгүй юм даг. Үнэ өсөх дарамт бол байсан. Гэхдээ өсөөгүй. Шалтгаан нь хямралын үед иргэдээ хамгаалсан Шатахууны үнийг тогтворжуулах Монгол банкны хөтөлбөртэй байсан учраас. МАН-д тийм ухаан, чадал байхгүй

Avatar

Зочин 2018-09-03 203.91.116.154

Ийм юм бичиж байдаг. Бас бичүүлж байдаг

Avatar

Зочин 2018-09-03 203.91.116.154

Ийм юм бичиж байдаг. Бас бичүүлж байдаг

Avatar

Зочин 2018-09-03 203.91.116.154

Ийм юм бичиж байдаг, бас бичүүлж байдаг

Avatar

зочин 2018-09-03 49.0.219.25

Энэ асуудлыг зохицуулахгүй юм бол Ерөнхий сайд байгаад яах юм.Чадахгүй бол огцор чадах хүн нь хийг .

NewsMN Гар утасны хувилбар Татах
NEWS.mn

Мэдээллийн эх сурвалж