Ажил хаялтын ард! | News.MN
РЕДАКЦИЙН ЗУРВАС

Ажил хаялтын ард!

Ажил хаялтын ард!

Намрын чуулган эхлэхэд яг нэг сар үлджээ. Нэг ёсондоо, 2016 оны сонгуулиар парламентад олонх болсон МАН бүрэн эрхийнхээ хугацааны яг хоёр жилийн ойтойгоо золгож байна гэсэн үг. Харин У.Хүрэлсүхийн засгийн нэг жилийн ой удахгүй тохионо.

У.Хүрэлсүхээр овоглосон засгийн нэг жилийн ой болоод М.Энхболдоор даргалуулсан парламентын хоёр жилийн ойн сюрприз юу байх бол. Ерөнхийлөгчийн сонгуулиас хойш албан бусаар 32 ба 32 болж хуваагдсан МАН-ын хоёр бүлэг бие, биеийнхээ эсрэг хор найруулаад удаж байгаа бөгөөд тэдний хоёр жилийн зодоон Монголын улс төрийг уйдаасангүй.

Эдийн засгийн реформ хэмээн нэрлэгдэж буй татварын багц хуулиуд дээр улс төр, нийгмийн реформ болсон Үндсэн хуулийн өөрчлөлт энэ намрын чуулганы олон нийтийн анхаарал татсан сэдэв байх нь гарцаагүй. Ялангуяа Үндсэн хуулийн өөрчлөлтийг угтсан ганцаарчилсан хийгээд хамтарсан тоглолтууд  улс төрд хэдийн өрнөөд удаж байгааг тооцож үзвэл шүү дээ.

Хичээлийн шинэ жил эхэлж хотод хөл хөдөлгөөн нэмэгдсэн ч, Төрийн ордон сэлүүхэн, гэвч, ордны дотоод улс төр гаднаа гарч, "сэлэм эргүүлэгчид" Л.Оюун-Эрдэнээс эхлээд цөөнгүй байна. Үндсэндээ үе, үехэн нумаа нуугаад сумаа тавих болсон улстөрчдийн богино зайны тоглолтууд тэдний холын шуналтай холбоотой нь нэн ойлгомжтой.

Сайн хүний нэрийг гурав худалдаж иднэ гэгчээр  багш, эмч нарын нэрээр шантааж хийж амьдардаг төрийн бус байгууллагын дуу ч мөн адил чангарчээ. Эндээс харвал эрх баригчид тайвшраагүй, намуудын болоод нам доторх зодоон эсрэгээрээ эрчимжиж буйн эхлэл. Монголын үйлдвэрчний эвлэлүүдийн холбоо болоод Багш нарын цалинг нэмэгдүүлэх түр хорооны улс төрийн тэмцлийн цаад зорилго нь багш, эмч нарын цалин нэмэх асуудал яг мөн үү гэвэл тэнэг хүн ч хууртагдахгүй  биз. Тэр тусмаа багш, эмч нарын цалин нэмэх асуудал хэдхэн төрийн бус байгууллагын төлөөлөгчдийн улс төрийн бизнес болсон гэвэл битгий буруутгаарай, бид хардах эрхтэй.  Тэгээд ч хэн мөнгө төлсөн нь хөгжмөө захиалдаг нь бичигдээгүй хууль хойно.

Баасан гаригийн орой  багш нар ажил хаяхаа больсон тухай баярлам мэдээ сонсгож суусан МҮЭХ ганцхөн хоногч бололгүй хэлснээсээ буцаж, хичээл заахгүй байхыг багш нарт уриалж байна. Тэдэнд хүний хүүхдийн хувь заяа, сурах эрхийг барьцаалж ашиг хонжоо хийх эрх бий гэж үү!

Борооны дараах мөөг шиг олширсон ашгийн бус нэртэй ашиг хонжоо горилсон төрийн бус байгууллагуудыг нэгэнтээ цэгцлэх шаардлагатайг энэхүү үйл явдал харуулж буй юм.  Нөгөө талаар, Монголын олон мянган хүүхдийн сурах эрхэнд халдаж байгаа намуудын улс төрийн могойд барьдаг мод нь Монголын хэдэн багш нар болжээ гэлтэй. Хэдэн төрийн бус байгууллагын хэдхэн нөхрийн тоглоом, шоглоом болж   байгаадаа ч багш, эмч нар дүгнэлт хийх цаг болсон мэт.

Хичээлийн шинэ жилийн сюрприз болгон ажил хаяж буй багш нарын ард томоос том улс төр байгаа нь асуултгүй тодорхой. Угаасаа ч засаг бүхнийг огцруулах хийгээд хэн нэгэн сайдыг оролдох шалтгаан нь цалин хөлсний асуудал байдаг нь бараг л хууль болжээ. Цаашдаа ч энэ асуудал засаг бүрийн толгойны өвчин хэвээр байх болов уу. Товчхондоо, багш нарын цалинг 50 хувиар нэмлээ гээд тэдний нэрийг барьсан  улс төр байсаар л байна гэсэн үг.

Засгийн газраас  ОУВС-тай хийсэн зөвшилцлийн хүрээнд багш, эмч, сувилагч нарын цалинг 12-30 хувиар, харин бусад төрийн албан хаагчдын цалинг найман хувиар нэмэхээр болсон бөгөөд МҮЭХ-ны зүгээс урамшуулал хэлбэрээр 56.3 тэрбум төгрөг олгох, төсөвт тодотгол хийж ирэх сарын 1-нээс цалинг 15 хувиар нэмэх, 2019 оны нэгдүгээр сарын 1-нээс цалинг 50 хувиар нэмэх зэргийг шаардаж буй.  Мэдээж, энэ шаардлагыг хангахын тулд эдийн засгийн нөөц боломжоо судлах ёстой.

Түүнээс төгрөг үйлдвэрлээд мөнгө тараах шиг амархан асуудал байхгүй бөгөөд энэ тохиолдолд багш нарын цалин цагаан цаас болж хувирна гэж мөрийцсөн ч болно. Харин улстөрчдийн хувьд ард түмний амьдралаас амин хувийн ашиг сонирхол нь үргэлж нэгд байдаг.  Тэр утгаараа  ажил хаяж буй багш нарыг аль нэг улс төрийн нам, бүлэглэл, төрийн бус байгууллага ашиг сонирхолдоо ашиглаж байгаа хэрэг төдий.

Учир нь, Ж.Эрдэнэбатын үед ч багш нар ажил хаяж байсан, тэмцлийнх нь үр дүнд өөр засгийн газар байгуулагдсан, багш нарын цалин нэмэгдэж гавиагүй.  Энэ удаагийн багш нарын тэмцэл тэр үеийн ашиг сонирхлоос юугаараа өөр гэж. Ялгаагүй л намуудын, улстөрчдийн зодоонд “яс” болж буй нь худлаа биш шүү дээ. Яг үнэндээ бол У.Хүрэлсүхийн засгийн унагаах гэсэн танил сценарийн дагуу багш нарын ажилт хаялтын ард Ардчилсан нам  байгаа гэсэн хардлага ч явж байна. Харамсалтай нь, намуудын улс төрийн тэмцэлд жирийн багш, сурагчид  л хохирч үлддэг.  Хэрэвзээ  Монголын багш нарт өчүүхэн ч гэсэн нэр хүнд, өөрийгөө  хүндлэх сэтгэл байгаа бол хэн нэгнийг дагаж намиралгүй хичээлээ заа.

"Болор дуран"-аар шалгав.

Холбоотой мэдээ

51 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2018-09-03 43.243.161.23

Hurelsuh ogtsor.

Avatar

Би 2018-09-03 103.229.120.228

Багш нарын масс олон учир онилогдоод байдаг юм шиг. Анх л Ламбаагийн удирдлагаар жагсаж байсан.

Avatar

Зочин 2018-09-03 103.229.120.228

Багш нарын масс олон учир онилогдоод байдаг юм шиг. Анх л Ламбаагийн удирдлагаар жагсаж байсан.

Avatar

Зочин 2018-09-03 202.21.106.114

Хавар зун сайн нэгдэж тэмцэхгүй дээ.Энэ өвлийн инфляци хөөрөгдчихлөө дөө.

Avatar

зочин 2018-09-03 202.179.3.106

Яг МАНАН гэж юун хэлээд байгаа юм бэ. МАНАН бүлэглэлд УИХ-ын хэдэн гишүүн байгаа юм нэр усаар нь жагсааж гаргаад танилцуулаач

Avatar

Зочин 2018-09-03 66.181.165.237

Намайг багад багш нар ажил хаяж билээ. Тэгэхэд одоогийнх шиг биш зуны амралтаар л хаяж байсан санагдаж байна. Одоогийнх шиг сэтгэлгүй байгаагүй л байж

Avatar

Зочин 2018-09-03 66.181.165.237

Намайг багад багш нар ажил хаяж билээ. Тэгэхэд одоогийнх шиг биш зуны амралтаар л хаяж байсан санагдаж байна. Одоогийнх шиг сэтгэлгүй байгаагүй л байж

Avatar

зочин 2018-09-03 139.5.218.209

багшаа хичээлээ заа төр та нарт боломжийн цалин олгож байгаа. Тэтгэвэрийн хөгшид сард 280,0 мянган төгрөгөөр амьдарч байгааг бодоорой ухаантнуудаа. амьдрал ганц та нар дээр хүнд тусаж байгаа биш. үнэндээ та нар хүүхдүүдээ сургаж чадахгүй байгаа шүү

Avatar

Zochin 2018-09-03 103.212.116.139

Naad heden bagsh nar chini Solongos ulsad uidveriin ajilchid bolood duuslaa,esvel tsalin baga baigaagaas bolood uur ajild orood duuslaa,tegeed hen bagsh hiih yum be?Neg bol baahan ajilgui humuus,neg bol baahan jeep unasan darga uls bolloo.

Avatar

Zochin 2018-09-03 103.212.116.139

Ene tsahim huudsand 2 niitlel garsan baina,unshlaa,2uuland ni nileed setgegdel bichlee,bi bagsh hun bish gehdee uneheer uur hurch baina,yaaj iim talaas ni bichdeg baina?uneheer l hulsnii bicheech baij magadgui gej sanagdlaa,

Avatar

zochin 2018-09-03 103.212.116.139

Nuguu talaas ni bodood uz dee???minii eh orond bagsh naraa ugaagchiin hemjeend unelj,ugaagchiin hemjeend tsalinjuuldag geed!!!

Avatar

Zochin 2018-09-03 103.212.116.139

Yaagaad iim mulguu yum be???bur gaihaad bolohgui yum,400-500 tugrugiin tsalintai bagsh???tegeed ugaagch hii eder gesen baih yum???ajil mergejilee unen boditoor uneluulie gesen humuusiin buruu yu???

Avatar

Зочин 2018-09-03 202.9.42.42

NEWS.MN -H Ж. НЯМСҮРЭН сэтгүүлч г***й үх

Avatar

Зочин 2018-09-03 202.9.42.42

uurin huuhed ulmun zelmen amidarch bhad yun huni huuhed bodoh bagsh nar bid nar chin huni zeregtei amidarch bolohgui gj uu durtaida ajil hayaj bga gj bodoo yu uursdin ur huuhdin tuluu hayaad bn setguul chini huuhed ch gsen bagsh bolj magadgui

Avatar

Zochin 2018-09-03 150.129.142.195

Hudaldagdsan setguulcheer zaalgahgyi

Avatar

Зочин 2018-09-03 150.129.143.251

tsalingaa nem. iim tsalingaar uursduu ger bulee abaad yabaad uz dee

Avatar

Зочин 2018-09-03 202.9.43.250

Багш нарыг улс төрийн тоглоом болгон ашиглаж байна Ажил хаяад цалингаа нэмүүлж чадахгүй.Засагт эдийн засгийн чадавхи үгүй болсон. Үүний оронд улс орныг ард түмнийг ийм ядуу хүнд байдалд хүргэсэн МАНАН -тай бүх нийтээрээ тэмцэх хэрэгтэй дээ

Avatar

а 2018-09-03 202.9.42.51

битгий худлаа юм бичиж улс төржүүлээд бай даа сэтгүүлч нэртэй хорчин минь.талхныхаа хэдэн цаасыг л нэмүүлэх гэсэн юм.наад захиалгат мөнгө авч бичдэг чам шиг ашиг харсан юм биш шүү

Avatar

зочин 2018-09-03 64.119.21.177

Хуухэдуудийг барьцаалж болдог юм уу. Бугдийг хал.

Avatar

Unen ug 2018-09-03 150.129.143.207

Bitgii h*** hulsnii bicheech min. Cham shig yumnuudaas bolj niigem iim bolj bn. Bagsh emch naraa demjij bn

Avatar

Зочин 2018-09-03 43.242.243.134

Монголчуудын олонхи хунд ядуу байгаа. Ажилгуйчууд бол бур ч !!! Ажил хаясан сургуулийн захирлуудыг халах, ШУА- г еерчлен байгуулах хэрэгтэй!

Avatar

Ирээдүй цогцолбор 2018-09-03 202.179.24.230

Нам энд ямарч хамаагүй. Би өөрөө улсад 17 жил багш хийж бн. Бид нарын цалин нэг бачн олигархийн нэг өдрийн хоолны мөнгө, тиймээс бид тэмцэж бн. Хөлсний сэтгүүлчээ угаадсандаа хахаж үхээрэй

Avatar

! 2018-09-03 202.9.43.27

Хөлсний сэтгүүлч

Avatar

Зочин 2018-09-03 103.212.116.139

Тэрнээс биш зун амарч чадаагүй Солонгост ажиллаж байгаад ирсэн багш, ажлын цаг амралтын өдрүүдээр хувийн эмнэлэгрүү гүйж халтуур хийдэг эмч нарыг хүсэхгүй байна, цалин нэмэх шаардлага зөв!

Avatar

Зочин 2018-09-03 103.212.116.139

Хэн ажил хаях уриалга гаргасан нь чухал биш ээ!Эцсийн дүндээ багш,эмч нарын цалин бага нь үнэн!!!Бид үр хүүхдээ ходоод дүүрэн багшаар хичээл заалгаж, эрүүл мэндээ сэтгэл дүүрэн эмч нарт даатгамаар байна.

Avatar

Зочин 2018-09-03 64.119.18.108

МҮЭ чинь улс төрийн байгуулгын урдаа барьдаг бамбай болчихож. Амгаланбаатар даргаа түрүүчийн эрх барьж байсан НАМ-н үуд улс орон мөнгөтэй байсан, тэр үед ингэж тэмцсэн бол арай дээр байсан юм. Та улс төрийн намын золиос болчихсон байна.

Avatar

Saruul 2018-09-03 202.126.89.192

Egch duustei holbogdoj Duug ni 2 gazartaa nariin bichigiin dargaar ajiluulaad egchiinh ni hulhi komputerin delguurees tonog tuhuurumj shahuulj egchtei ni zugaaldag erdemten ch bg yum bilee

Avatar

Зочин 2018-09-03 103.229.176.130

ард нь хэдэн хутган үймүүлэгч нар л байгаа байх дөөөөө

Avatar

Зочин 2018-09-03 103.9.90.53

uchral gishuuni zohion baiguulaj bga ajil uls turin shantaaj hiij said boloh sanaa bn

Avatar

Бид 2018-09-03 182.160.32.235

хардах эрхтэй гэсний " Бид " гэж хэн бэ? Ажил хаялтын ард Амьдрал байна. Ил цагаан үнэнийг ойлгохыг хүсээгүй " Бүлэг " – хэн улс л " Бид " бололтой!

Avatar

Багш нар 2018-09-03 202.179.25.55

Тэр Үйлдвэрчний эвлэлийн нэр барьж улс төрийн намаас мөнгө авсан Батзориг гэгчийг хуулийнхан шалгах хэрэгтэй

Avatar

Үйлдвэрчний 2018-09-03 182.160.32.235

Эвлэл " Нэр " – ээ бариулаад байх " Баагий " мөн үү?

Avatar

Одбаяр 2018-09-03 202.131.231.22

Энэ шантаажчин төрийн бус байгууллагууд салбар бүрт тэр тусмаа сэхээтэн гэж нэрийддэг багш эмч нарлуу ороод тэднийг сэхээтэн бус эмзэг бүлэг гэж итгүүллээ. Нөгөөдүүл нь ядарсан бид чинь гэх!

Avatar

Зочин 2018-09-03 66.181.187.199

MAHAH g zailuulaxgvi bol baidal xezeech deerdexgvi.

Avatar

Зочин 2018-09-03 202.21.106.130

Нам дэмжсэн төрийн бус байгууллагууд багш нарыг урдаа барьж турхирахаа болих хэрэгтэй. Багш нар гэсэн турж үхэх гээд байгаа юм шиг арай ч дээ. Зүгээр сууж байгаад мөнгө авдагаа болих хэрэгтэй. Болохгүй байгаа бол нэгмөсөн ажлаа хаяад зайгаа таьвж өг

Avatar

САЙХАНБИЛЭГ 2018-09-03 202.179.24.95

СУРГУУЛЬ БОЛГОН ШАНТААЖЧДАА МЭДЭЖ БАЙГАА.САЛЖ БОЛНО ШҮҮ ДЭЭ.ӨӨР ӨЧНӨӨН БАГШ НАР БАЙНА.

Avatar

baldan 2018-09-03 103.9.90.131

unshij bichij chadahgui tugsuj bna sh dee unendee iim bolovsrol huuhduuded ugchihuud yun tsalin nemeh vee ichij uheech

Avatar

3edc 2018-09-03 202.55.183.178

Uls tur niigmiinhee medeeg soliod tavichij. namiin site.

Avatar

Зочин 2018-09-03 66.181.160.94

Манай хоосон толгой Хүрэлсүх маань шийдвэртэй хариулт хэлмээр бн,Цалин нэмэх үгүй тухай,боломж байгаа үгүй гэх мэт Оюутолгойг сайшаадгүй гэхэд битгий оролд, Эрдэнэтийн 49 хувийг олж ирсэн нь сайн гэх мэт Асуудлууд нь бүгд ужиграад жонхуу боллоо

Avatar

Зочин 2018-09-03 202.126.89.215

оюу толгойгоос болж энэ улс бүрэн дампуурчихаад байна бүх талаараа энэ компанийн өрийг дарах гэж багш нар ын цалинг нэмэхгүй байх ёстоймуу

Avatar

өас 2018-09-03 202.126.89.215

оюу толгойгоос болж энэ улс бүрэн дампуурчихаад байна бүх талаараа энэ компанийн өрийг дарах гэж багш нар ын цалинг нэмэхгүй байх ёстоймуу

Avatar

444 2018-09-03 66.181.187.199

Ter vnen shv.gadnii xorongo oruulagch nertei mergeshsen deeremchided baylagaa ogood orond unaad ard tvmenee yaduugiin guild xvrgeed deerees n chi muu sain gej yalgaad xoorond n uraltsuulaad gants amidrax xorwood zarim n yagaad ingej zovj amidrax ?

Avatar

Зочин 2018-09-03 66.181.177.48

сэлэм, б** , газ хий ашиглаад жагсаад тэмцээд орох иргэд олон байгаа шүү. буруу номтон Ми Эби мэтийн хтган үймүүлэгчдээс сэргийлж тэмцэлд орох хүмүүсийг хооронд нь сайн танилцуулж холбоотой ажиллах аргаа тайлбарла.

Avatar

Зочин 2018-09-03 43.242.242.59

Цалингаа гол байгаа бол ажлаа өөрчил

Avatar

дорж 2018-09-03 202.126.89.121

2012 онд 400 долларын цалин авч байсан багш нар одоо 250 доллар авахтаы үгүйтэй байна. 30 жил бид өмнөд солонгос хятадын багш нараас дутууггүй цалин авдаг багш нар одоо тэднээс 10 илүү дахин бага цалин авах дээрээ тулав. Энэ ер нь юу болоод байна. Хз

Avatar

Зочин 2018-09-03 202.131.245.243

Юу болоод байна гэж үү? Ардчилсан нийгэм бий болж байна гэсэн үг.

Avatar

Зочин 2018-09-03 202.5.205.34

Америк маягийн ардчилал

Avatar

Зочин 2018-09-03 66.181.184.190

An.Man 2yag adilhan. Mongol turuus zailuulah heregtei.iim luivarchin avilgachidiig huun zailuulah bolomj ireh songuuliar shiidegdene dee.

Avatar

Зочин 2018-09-03 43.243.161.23

Ene zasag arai bishee. Hamgiin muu ni bhaa barag uy uyiin zasguud dotroo. Arai oor chadaltai huneeree Eronhii said tavimaar bn. Bolovsrol yaalt ch bhgui chuhal yum bnaa.

Avatar

Зочин 2018-09-03 202.179.26.243

АН ч адилхан, монголын улс төрийн намуудад авах юм алга.

Avatar

Зочин 2018-09-03 66.181.160.122

Нам биш эдийн засаг, ашиг сонирхолын бүлэглэлүүд

NewsMN Гар утасны хувилбар Татах
NEWS.mn

Мэдээллийн эх сурвалж