Iphone, Ipad, Macbook үйлдвэрлэгч Apple компани энэ онын шинэ утаснуудаа танилцуулахад хоёр долоо хоног хүрэхгүй хугацаа үлджээ.

Аpple томоохон хэвлэл мэдээллийн байгууллагуудад өнөөдөр өглөө урилга илгээсэн бөгөөд ирэх есдүгээр сарын 12-нд АНУ-ын Калифорни мужийн Күпертино хотын Стив Жобс театрт шинэ Iphone, Ipad, Macbook-уудаа зарлахаар товлосон байна.

Одоогийн байдлаар Apple гурван шинэ Iphone утас танилцуулах талаар цуу яриа явагдаж байгаа бөгөөд өнгөрсөн жил 1000 ам.доллараар худалдаанд гарсан Iphone X утасны загвартай төстэй байх аж.

Шинээр танилцуулагдах Iphone ухаалаг утаснууд үнэ хямдхан мөн том хэмжээтэй LCD дэлгэцтэй байх талаар сураг чимээтэй байна.

ЭХ СУРВАЛЖ: NYPOST
Г. МАНДАХ