АТГ-аас мэдээлсэн Засгийн газрын зарим гишүүнтэй  холбоотой асуудалд  Сангийн сайд Ч.Хүрэлбаатар нэг кабинетын гишүүний хувьд дараах байр суурийг хэвлэлд өгсөн ярилцлагадаа дурджээ. Тэрбээр  “Би ч гэсэн байнга  дайруулж явдаг хүн л дээ. Ийм л замаар явах учиртай юм байлгүй. Янз бүрийн зүйл гарч ирсэн бол шалгадаг газар нь шалгаад явах учиртай. Энэ бүхнээс гадуур амьдаръя гэвэл эрдмийн ажил хийгээд явж болно. Хүнд янз бүрийн сонголтууд бий. Нэгэнт улс төрд орж ирээд явж байгаа бол сайн, муугаар хэлэгдээд явж таарна. Түүн дээрээ тайлбараа зөв өгөөд явах учиртай. Дуудсан өдөр нь очиж олон юм гоншгоноод байлгүй тайлбар мэдүүлгээ өгөөд яв л даа. Энд тэнд очиж худлаа сенсацилж мэдээлэл хийх шаардлагагүй” гэжээ.

Э.ЖОНОН