Сургууль, цэцэрлэгийн дээвэр дээрх үүрэн телефоны антеныг буулгана | News.MN

Сургууль, цэцэрлэгийн дээвэр дээрх үүрэн телефоны антеныг буулгана

Хуучирсан мэдээ: 2018.08.30-нд нийтлэгдсэн

Сургууль, цэцэрлэгийн дээвэр дээрх үүрэн телефоны антеныг буулгана

Сургууль, цэцэрлэгийн дээвэр дээрх үүрэн телефоны антеныг буулгана

Нийслэлийн Засаг дарга, нийслэлийн Хүүхдийн төлөө зөвлөлийн дарга С.Батболд өнөөдөр /2018.08.30/ Мэдээлэл холбооны операторуудын ассоциаци болон үүрэн холбооны оператор компаниудын удирдлагуудтай уулзлаа. Тэрбээр өнгөрсөн дөрөвдүгээр сард болсон нийслэлийн Хүүхдийн зөвлөлийн хурлаар цэцэрлэг, сургуулийн дээвэр дээр байрлуулсан үүрэн холбооны антенуудыг үе шаттай буулгах талаар үүрэг даалгавар өгсөнтэй холбоотойгоор ийнхүү уулзсан юм.

Бага насны хүүхдүүд өдөржин өнждөг энэхүү барилга байгууламж дээр антен байрлаж байгаа нь хүүхдүүдийн эрүүл мэндэд сөргөөр нөлөөлж байна гэсэн гомдлыг эцэг, эхчүүд удаа дараа тавьсны дагуу ийнхүү хотын дарга үүрэг өгчээ.

Өнөөдрийн байдлаар нийслэлийн 90 орчим сургууль, цэцэрлэгийн дээвэр дээрх үүрэн телефоны антен байрладаг гэсэн тоо бий. Энэ станцуудыг 200-300 метрийн зайтай өндөрлөг газарт байрлуулах шаардлагатай байдаг бөгөөд үүрэн холбооны операторууд анхнаасаа төлөвлөлтийн зургаа гаргаж, олон улсын стандарт хангасан орчин үеийн тоног төхөөрөмжүүдийг ашигладаг болохыг Мэдээлэл холбооны операторуудын ассоциацийн гүйцэтгэх захирал У.Тамир хэлсэн юм.

Түүнчлэн үүрэн холбооны операторуудын ашиглаж байгаа тоног төхөөрөмж, түүнээс ялгарах радио долгион хүний эрүүл мэндэд хортой, амь насанд халтай гэсэн нэг ч дүгнэлт гарч байгаагүйг оператор компаниудын төлөөлөл хэлж байв. Оператор компаниудын төлөөллүүдийн зүгээс “Бид анхнаасаа санаатайгаар сургууль, цэцэрлэгийн барилгын дээвэр дээр төхөөрөмжөө байрлуулаагүй. Яалт ч үгүй нийслэлийн гэр хороололд байгаа хамгийн өндөрлөг цэг, дэд бүтэц нь сургууль, цэцэрлэг байж таарсан тул тухайн үед байрлуулсан. Тэр хавьд илүү өндөр барилга баригдвал бид хүссэн хүсээгүй шилжүүлнэ. Тиймээс хотын дарга компаниудад үе шаттайгаар энэ асуудлыг шийдэх хугацаа өгч, уян хатан хандаасай” хэмээн хэлж байв.

Харин эцэст нь Нийслэлийн Засаг дарга С.Батболд өөрийн байр суурийг илэрхийлсэн юм. Тэрбээр “Дэлхий нийтээрээ маргаж байгаа энэ сэдэв дээр та бүхэн хүүхдүүдэд ямар ч хоргүй гэж хэлэх эрх байхгүй.  Миний бодлого, байр суурь бол ямар ч байсан сургууль, цэцэрлэгийн дээвэр дээр үүрэн холбооны антен байрлуулахгүй. Харин Ажлын хэсэг байгуулж өгье. Та бүхэн оролцоод ажиллаж болно. Хүсэлтээ гаргаад гэр хороололд цамхгаа барьж болно. Бяцхан хүүхдүүдийн эрүүл мэндэд үнэхээр санаа зовж байгаа учраас ийм байр суурьтай байна” гэсэн юм.

Э.БУРАМ

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-30 202.21.106.152

Орон сууцны дээр байрлуулсан антенаа буулгаач.Уул довон дээр бариач дээ.Одоо бизнесээ бодож болсон бусдын эрүүл мэндийг хайрла.

Avatar

1 2018-08-30 103.206.195.166

Бас түрээс авч болно.

Avatar

1 2018-08-30 202.170.71.157

Монголын удмын санд маш их хохиролтой. Тиймээс яаралтай буулгах шаардлагатай хэрэв үүрэн телофон болон бусад байгууллага энэ шаардлагыг хүлээн зөвшөөрөхгүй бол үйл ажиллагааг нь зогсоох хэрэгтэй.

Avatar

SS 2018-08-30 66.181.168.8

Huuhduudiin deer anten tavichihaad huuhdiin tuluu gedeg shd, manaid. Manaihaas uur gazar bol oron suuts muutsnii deer ch taviuldaggui. Manaihan honi shig taivan, uher shig uujuu yum bolohoor avch heleltsdeggui

Avatar

Зочин 2018-08-30 202.126.89.233

Хэрэв ээ хэмжилт хийлгэхэд байж болох норм хэмжээнээс хэт их цах.соронзон орон үүсгэгч байрлуулсан бол яаралтай татан буулгах хэрэгтэй. Явцуу эрх ашгаа хамгаалж иргэд хүүхдийн эрүүл мэндэд хохирол учруулж байгаа операторудыг хуулийн байгууллагад өг.

Avatar

Зочин 2018-08-30 202.126.89.233

Сургууль , орон сууцны байшин дээр гар утасны олон станцыг байрлуулж их хэмжээний цах.соронзон орон үүсгэж байгаагаа зөвтгөх арга байхгүй, мөн хэдэн төгрөгний төлөө байшин дээрээ цах. соронзон орон үүсгэгч байрлуулах зөвшөөрөл олгодог байж болохгүй.

Avatar

Зочин 2018-08-30 202.126.89.233

Сургууль , орон сууцны байшин дээр гар утасны олон станцыг байрлуулж их хэмжээний цах.соронзон орон үүсгэж байгаагаа зөвтгөх арга байхгүй, мөн хэдэн төгрөгний төлөө байшин дээрээ цах. соронзон орон үүсгэгч байрлуулах зөвшөөрөл олгодог байж болохгүй.

Avatar

Зочин 2018-08-30 202.126.89.233

Хэт богино буюу гар утасны ажилдаг догионы аюулгүй байх хэмжээ нь 10 мкМт\ см2 байх ёстой бөгөөд түүнээс дээш байх нөхцөлд хүний эрүүл мэндэд ноцтой нөлөө үзүүлдэг болой . Компьютороос дээр ажилладаг хүмүүс 2 цаг ажлаад 30 минут амарч байх ёстой

Avatar

Зочин 2018-08-30 202.126.89.233

Их хэмжээтэй цахилгаан соронзон орон хүрээнд удаан хугацаагаар ажиллаж амьдарч байгаа хүний бие организмд маш олон өөрчлөлт ордог цусны бүтэц , улаан бөөм д өөрчлөлт ордог, төв мэдрэлийн систем, зүрхний хэм алдагдалд нөлөөлдөг байна.

Avatar

Зочин 2018-08-30 202.126.89.233

Энэ асуудалд хотын захиргаа маш зөв шаардлага тавьж байна . Хэдэн жилийн өмнө Английн эрдэмтэд гар утаснаас ялгарч байгаа цахилгаан соронзон хүний тархины торлог бүрхэвчийг гэмтээдгийг тогтоосон байдаг.

Avatar

Зочин 2018-08-30 202.55.188.39

сургууль , цэцэрлэгт түрээсээр байрлуулдаг.

Avatar

Зочин 2018-08-30 202.180.218.37

Тэгээд хортой юмуу хоргүй юмуу юу гэж ойлгохын хоргүй юм бол байж л байг түрээс нь хэдэн багшийн цалинг нэмхэд хэрэгтэй юм бишүү. Төр нь нэмж чадахгүй юм чинь . Холдууллаа гээд хашаанаас нь гаргаад төмөр цамхаг бариад тавьчуул бүр хохиролтой юм бишүү

NewsMN Гар утасны хувилбар Татах
NEWS.mn

Мэдээллийн эх сурвалж