Бенфика, ПСВ болон Црвена Звезда багууд аваргуудын лигийн эрхээ авлаа | News.MN

Бенфика, ПСВ болон Црвена Звезда багууд аваргуудын лигийн эрхээ авлаа

Бенфика, ПСВ болон Црвена Звезда багууд аваргуудын лигийн эрхээ авлаа

Бенфика, ПСВ болон Црвена Звезда багууд аваргуудын лигийн эрхээ авлаа

Европын хөлбөмбөгийн аваргуудын лигт өрсөлдөх шилдэг 32 багийн нэрс бүрэн тодорлоо. Өчигдөр Нидерландын Аякс, Грекийн АЕК болон Швейцарын Янг Бойз клубууд эрхээ аваад байсан бол урьд шөнө үлдсэн 3 эрхийн төлөөх хариу тоглолт явагдлаа.

Талбайдаа Грекийн ПАОК клубтэй 1-1 харьцаатай тэнцээд байсан Португалын шилдэг баг Бенфика хариу тоглолтоо ПАОК клубын талбайд хийж 4-1 харьцаатай ялалт байгуулж аваргуудын лигийн эрхээ авсан. Нидерландын ПСВ клуб Беларус улсын БАТЕ клубын талбайд 2-3 харьцаатай ялалт байгуулаад байсан бол урьд шөнө талбайдаа 3-0 харьцаатай ялсан. Ингээд хоёр тоглолтын нийлбэр дүнгээр 6-2 харьцаатай ялалт байгуулсан ПСВ Эйндховен клуб аваргуудын лигийн эрхээ авсан. Тэгвэл 1991 оны аваргуудын лигийн аварга хуучин Югослав одоогийн Серб улсын Црвена Звезда клуб Австрийн Зальцбург клубын талбайд зочлон 2-2 харьцаатай тэнцэж айлын талбайд гоол оруулсан давуу байдалтайгаар аваргуудын лигийн эрхээ авчээ.

Б.БЯМБАБАЯР

"Болор дуран"-аар шалгав.

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж