Аргентины Засгийн газар Олон улсын валютын сангаас 50 тэрбум ам.долларын зээл олгохыг хүсчээ. Тус улсын Ерөнхийлөгч Маурицио Макригийн мэдэгдсэнээр, тус зээлийг эдийн засгаа сэргээхэд зарцуулна гэжээ.

Аргентинд эдийн засгийн хямрал үүсч, энэ жил инфляцын төвшин огцом өсч, Аргентины мөнгөн тэмдэгт песо ам.долларын эсрэг 40 хувиар ханш нь буурч эдийн засаг нь хүндхэн байдалд байгаа юм.

Лхагва гаригт ОУВС уг асуудалд үе шаттай арга хэмжээ авч, тохиролцоог бэхжүүлэх болно гэж мэдэгдсэн байна.

"Аргентины Засгийн газрын бодлогын хүчин чармайлтыг дэмжиж байна. Шинэчилсэн бодлогын хүрээнд тус улсын засгийн газарт туслахад бэлэн байна’’ хэмээн Олон улсын валютын сангийн захирал Кристен Лагарде мэдэгджээ.

Харин хөрөнгө оруулагчдын зүгээс Аргентины Засгийн газар зээлээ төлж чадахгүй, дампуурлаа зарлана гэж үзэж байгаа юм.

Эх сурвалж: Sputnik, BBC 

Т. Мядаг