Зарим сургуулийн хичээл арваннэгдүгээр сар хүртэл хойшилж магадгүй | News.MN

Зарим сургуулийн хичээл арваннэгдүгээр сар хүртэл хойшилж магадгүй

Хуучирсан мэдээ: 2018.08.30-нд нийтлэгдсэн

Зарим сургуулийн хичээл арваннэгдүгээр сар хүртэл хойшилж магадгүй

Урсгал засвар дуусаагүй, сургалтын үйл ажиллагаа эрхлэх тусгай зөвшөөрлөө аваагүй зэрэг шалтгаанаар нийслэлд үйл ажиллагаа явуулж буй 18 сургууль, цэцэрлэг есдүгээр сарын 1-нд хичээлийн шинэ жилийн нээлтээ хийж, хичээлээ эхэлж чадахгүйд хүрснийг нийслэлийн Мэргэжлийн хяналтын газар наймдугаар сарын 28-нд мэдэгдсэн. Мөн дээрх сургуулийн сурагчдыг ойролцоох сургууль, цэцэрлэгт хуваарилан хичээллүүлэхээр болсон талаар мэдээлсэн билээ. Эдгээр сургууль, цэцэрлэгийн хүүхдийн асуудлыг хэрхэн шийдэх талаар нийслэлийн Боловсролын газрын орлогч дарга Л.Дашдэмбэрэлээс тодруулаа.


-Товлосон хугацаандаа хичээлээ эхэлж чадахгүйд хүрсэн сургууль, цэцэрлэгийн хүүхдийн асуудлыг хэрхэн шийдвэрлэх вэ?

-Эдгээр сургуулийн хичээл нь засварын ажил дуусч, сургалтын үйл ажиллагаа эхэлсэн тэр үеэс эхэлнэ. Өөрөөр хэлбэл, есдүгээр сарын 7-нд засварын ажил дуусч, 10-нд хичээл эхэлсэн бол тав хоногийн хичээлийг амралтын өдрүүдэд нөхөж үзэхээр зохицуулах юм. Үүнтэй холбоотой тодорхой шийдвэрийг Боловсрол, соёл, шинжлэх ухаан, спортын яамнаас удахгүй гарна.

-Ямар сургуулийн сурагчдыг бусад сургууль руу хуваарилж байгаа вэ?

-Нийслэлийн хэмжээнд энэ жил 17 цэцэрлэгийн барилга, цэцэрлэгийн өргөтгөл, хоёр сургуулийн барилга, хоёр спорт заал ашиглалтад орох юм. Үүнээс есдүгээр сарын 1-нд ашиглалтад орох дөрвөн цэцэрлэг, нэг сургууль цахим бүртгэл, элсэлт авсан тул хугацаандаа хичээлээ эхэлнэ. Үлдсэн нь энэ онд багтаж ашиглалтад орох тул бүртгэл, элсэлт авахгүй.  Харин энэ жил буулгаж, шинээр барих гурван сургууль, 13 цэцэрлэг бий. Эдгээр сургууль, цэцэрлэгийн хүүхдийг өөр сургуульд хуваарилж байгаа.

-Өөр сургуулийн хүүхдийг гадуурхах байдал ажиглагддаг. Ийм асуудал үүсэхгүй гэх баталгаа бий юу?

-Тухайн анги боломжтой сургуулийн барилгад хичээллэж байгаа болохоос өөр зүйл өөрчлөгдөхгүй. Ангийн багштайгаа, ангийнхантайгаа хичээллэнэ. Үүссэн асуудлыг боломжтой хувилбараар шийдвэрлэж байна.

Нийслэлийн Мэргэжлийн хяналтын газрын мэдээлж буйгаар есдүгээр сарын 1-нд хичээлээ эхэлж чадахгүйд хүрсэн 18 сургууль, цэцэрлэгийн зарим нь есдүгээр сарын 7-нд засвараа дуусах бол зарим нь арваннэгдүгээр сарын 10-нд дуусах аж. Эндээс дүгнэхэд зарим сургуулийн хичээл арваннэгдүгээр сар хүртэл хойшилж, тэр хэрээр сурагчид хичээлийн хоцрогдолд орох эрсдэл үүсээд байна.

ЕСДҮГЭЭР САРЫН 1-НД  АШИГЛАЛТАД ОРЖ АМЖИХГҮЙД ХҮРСЭН ЦЭЦЭРЛЭГ, СУРГУУЛЬ

  •  Багануур дүүргийн 138 дугаар цэцэрлэг
  • Сүхбаатар дүүргийн 54 дүгээр цэцэрлэг
  • Хан-Уул дүүргийн 121, 41 дүгээр цэцэрлэг
  • Баянгол дүүргийн 47 дугаар сургууль,164 дүгээр цэцэрлэг
  • Баянзүрх дүүргийн 126, 53 дугаар сургууль, 146 дугаар цэцэрлэг
  • Чингэлтэй дүүргийн 102, 19, 174 дүгээр цэцэрлэгийн өргөтгөл

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-08-30 202.55.191.194

Оны өмнө хэдэн арван сургууль цэцэрлэг ашиглалтанд орно гээд рекламдаад байсан яасан бэ сайдаа? Ажлаа өг дөө…

Avatar

зочин 2018-08-30 202.55.191.194

Цогзолмаа сайд оны эхэнд хэдэн арван сургууль цэцэрлэг барьчихна гээд донгодоод байсан яасан бэ, тендерээс цохьчих санаатай үзсээр байгаад барилга барих ажлаа мартсан уу? Тендер Галсанхүү, Тендер Мөнхөөлэй гэсэн баруун зүүн гартай Цогзолмаа сайд кк

Avatar

ЗОЧИН 2018-08-30 202.55.191.194

ЖИЛИЙН ЖИЛД ЗАСВАРАА ХИЙГЭЭД ХИЧЭЭЛЭЭ ЭХЛҮҮЛЭЭД БАЙДАГ САЛБАР ЦОГЗОЛМААГ САЙД БОЛСНООС ХОЙШ БҮХ ЮМ НЬ БОЛОХОО БАЙЧИХВАА ХӨӨРХИЙ. ХҮРЭЛСҮХ САЙД НЭГИЙГ БОДОЖ ХОЁРЫГ ТУНГААНА БАЙГАА. АМНЫ ПИГУРЭЭС ӨӨР ЮМГҮЙ ТОЛГОЙ МУУТАЙ САЙД ИНГЭЖ АЖЛЫГ УНАГАДАГ ЮМ ДАА

Avatar

ккк 2018-08-30 203.91.115.42

ЭНЭ ХАРИУЦЛАГГҮЙ НӨХРИЙГ АЖЛААС НЬ

Avatar

zochin 2018-08-30 202.70.33.162

Yostoi dampuursan yum. Havar yugaa hiij baisan nuhduud ve? Tenderee erthen zarlahgui yasan yum

Avatar

Зочин 2018-08-30 182.160.3.106

боловсролын салбар ын уналт хучтэй авч эхэллээ.

NewsMN Гар утасны хувилбар Татах
NEWS.mn

Мэдээллийн эх сурвалж