3,423.28
Юнивишн компани үйлчилгээнийхээ цар хүрээг тэлж Дархан хотын иргэдэд шинэ онтой зэрэгцэн Гурвалсан үйлчилгээгээ хүргэж байна. Ийнхүү дэвшилтэт бүхнийг хэрэглэгчиддээ түрүүлж хүргэдэг Юнител группын IPTV, интернэт, суурин утасны үйлчилгээ орон нутагт хүрээгээ улам тэллээ.
Зурагтын хөтөлбөрөөс кино, нэвтрүүлгээ цаг харан хүлээж, интернэтээр видео үзэхдээ эхлээд уншуулдаг байсан бол нийслэл хотод зурагтаа хүссэнээрээ удирдаж, нэвтрүүлгээ ухрааж, нөхөж үздэг, интернэтийн хурдны гайхамшгийг мэдэрсээр 3 жил болжээ. Дэлхийн хөгжингүй орнуудад л нэвтэрсэн энэхүү технологийн дэвшлийг орон нутгийн иргэд маань ихэд хүлээдэг байсан нь ийнхүү эхнээсээ биеллээ олж байна.
Улаанбаатар, Эрдэнэт, Дархан хотын иргэд өндөр хурдны интернэтэд холбогдсоноор мэдээллийн эрин зуунаас хоцролгүй дэлхийтэй холбогдон мэдээллээ авч, өөрийн үнэт цагаа хэмнэн хүссэн контентоо үзэж, Холливудын кинонуудыг гэртээ тухлан үзэх нь ээ.
Мөн орон нутагт шилэн кабелийн сүлжээ оруулсан нь Дэд бүтцийн чухал бүтээн байгуулалт юм.
2014 онд Юнивишн компани шинэчлэл хийж Univision 2.0 системээ нэвтрүүлсэн бөгөөд эхний ээлжинд Дархан, Эрдэнэт хотын хэрэглэгчиддээ түрүүлэн хүргэж байгаа юм. Улаанбаатар хотын хэрэглэгчид шат дараалан энэхүү систем рүү шилжих болно. Univision 2.0 нь IPTV-ийн одоогийн үйлчилгээнүүдээс гадна дараах олон давуу талтай ажээ.
Давуу талууд:
– Picture and picture буюу сувгаа үзэж байхдаа мини дэлгэцээр бусад сувгаар ямар нэвтрүүлэг гарч байгааг үзэх
– ТВ хөтөлбөр дээр тухайн сувгаар гарч буй нэвтрүүлгийг мини дэлгэцээр үзэх
– Нөхөж үзэх үйлчилгээг хэрэглэж байхдаа тэмдэглэгээ хийж дахин гүйлгэхгүйгээр үзэх
– IPTV үйлчилгээний найзуудтайгаа чатлах
– Найздаа контент бэлэглэх, санал болгох
– Зурагтаараа Twitter, Facebook-т холбогдох
– Удирдлаганы shortcut товчлуурууд
– Цаг агаарын аппликейшн
– Jump хийж гүйлгэх
Цасан ширхэг зөөлөн бударсан шинэ жилийн орой гэр бүлээрээ тойрон суугаад
дуу, дүрсний гайхамшгийг мэдрүүлэх IPTV-ийгээ тухлан үзээрэй.
Шинэ оноо шинэ үйлчилгээтэй угтацгаая.
