Хамтын ажиллагаа дотооддоо төдийгүй олон улсад тэлж байна | News.MN

Хамтын ажиллагаа дотооддоо төдийгүй олон улсад тэлж байна

Хуучирсан мэдээ: 2018.08.28-нд нийтлэгдсэн

Хамтын ажиллагаа дотооддоо төдийгүй олон улсад тэлж байна

Хамтын ажиллагаа дотооддоо төдийгүй олон улсад тэлж байна

Малын удмын сангийн үндэсний цогцолборт өнгөрсөн сард Исламын Бүгд найрамдах Иран Улсын Гадаад хэргийн дэд сайд бөгөөд Ази, Номхон далайн орнуудын газрын ерөнхий захирал Махмуд Фаразандехаар ахлуулсан төлөөлөгчид хүрэлцэн ирж, туршлага судалсан бол энэ сард АНУ-ын ЭСЯ-ны хэргийг түр хамаарагч Мануэл П.Микаллер болон Байгаль орчин хариуцсан ажилтан Жэфри Жозеф нар болон Нийслэлийн Засаг дарга бөгөөд Улаанбаатар хотын захирагч С.Батболд үйл ажиллагаатай нь танилцсан юм.

Ийнхүү Малын удмын сангийн үндэсний цогцолборын үйл ажиллагаатай төлөөлөгчид танилцаж, хамтын ажиллагааны боломжийн талаар санал солилцон, туршлага судалж байгаа нь харилцаа, хамтын ажиллагаа нь дотооддоо болон төдийгүй олон улсад тэлж байгаагийн нэгэн илэрхийлэл гэж үзэж байна.

Нээлтээ хийгээд сар гаруй хугацаа өнгөрч буй тус цогцолбор малын генийн санг хамгаалах, үр үйлдвэрлэлд шинжлэх ухааны ололтыг нэвтрүүлэх, мал аж ахуйн салбарыг эдийн засгийн эргэлтэд оруулахыг зорин ажилладаг.

Малын удмын сангийн үндэсний цогцолбор нь үр, азот, ээмэгний үйлдвэрлэл, хөврөл үр шилжүүлэн суулгах иж бүрэн лаборатори, малын генийн санг хадгалах зориулалтын байр, сайн чанарын хээлтүүлэгч бойжуулах малын байр, тэжээл боловсруулах цех, сургалтын байр, мал эмнэлгийн үйлчилгээний цэг зэрэг 14 объектоос бүрдэж байгаа юм.

Эх сурвалж: ХХААХҮЯ

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж