Монголд төрийн өмчийн 17 их, дээд сургууль бий. Үүнээс Монгол, Германы хамтарсан ашигт малтмал, технологийн сургууль, Төмөр замын дээд сургууль, Дорнод их сургуулиас бусад төрийн өмчийн их, дээд сургуулийн төлбөр 10-15.6 хувь нэмэгджээ.  Боловсрол, соёл, шинжлэх ухаан, спортын яамнаас өгсөн мэдээллээр эдгээрээс сургалтын төлбөрөө хамгийн их нэмсэн нь ШУТИС аж. Тус сургуулийн нэг кредитийн төлбөр 62000 төгрөг байсан бол 71700 төгрөг болжээ. Мөн МУИС-ийн нэг кредитийн төлбөр 99000 төгрөг байсан бол 115000 төгрөг болж, дунджаар 12.5 хувь нэмэгджээ. Харин хамгийн бага төлбөртэй нь Төмөр замын дээд сургууль бөгөөд нэг кредит нь 51600 төгрөг байна.

Түүнчлэн оюутны дотуур байрны  төлбөр 400000-1100000 төгрөгийн үнэтэй байна. Мөн төрийн өмчийн бүх их, дээд сургууль дотуур байртай бол хувийн өмчийн сургуулийн 40 хувь нь дотуур байртай байдаг. Мөн эдгээр дотуур байранд оюутнуудын 20 хувь нь хамрагддаг ажээ.

Р.РЕНЧИНДУЛАМ