Өнгөрсөн улиралд хуучин дасгалжуулагч Дэвид Мойесийн удирдлага дор тоглон, Английн Премьер лигт тэсрэлт хийн гарч ирсэн "Манчестер Юнайтед" клубын залуу од Аднан Янузай ирэх нэгдүгээр сард нээгдэх солилцоо, наймааны цонхоор өөр баг руу зээлээр явж магадгүй боллоо.

Учир нь "Юнайтед"-ын дасгалжуулагч Луй Ван Гааль Бельги залууг өөрийн хувилбарт нь нийцэхгүй бөгөөд түүнд одоогийн бүрэлдэхүүнд тоглох орон зай байхгүй хэмээн үзэж байна. Тэрбээр шинэ улирал эхэлснээс хойш өнгөрсөн улирлынхтай харьцуулахад талбайд гарах хугацаа нь эрс багассан юм.

Одоогийн байдлаар түүнийг Италийн алдарт "Интер Милан" клуб идэвхтэй сонирхож байгаа бөгөөд түүнээс гадна хуучин дасгалжуулагч Дэвид Мойесийн удирдаж буй "Реал Сосьедад" клуб ч түүнийг сонирхож байгаа аж. Харин "Юнайтед" түүнийг эдгээр клубүүд руу зээлээр явуулахад бэлэн байгаа бол харин Премьер лигийн өөр клуб руу явуулах сонирхолгүй байгаа гэнэ.

Эх сурвалж: www.mminfo.mn