Азийн спортын 18 дугаар их наадам өнөөдөр найм дахь өдрөө үргэлжилж байна. Өнөөдөр тус наадмын эмэгтэйчүүдийн марафон гүйлтийн тэмцээн  амжилттай болж өндөрлөлөө. Марафон гүйлтийн тэмцээнд 19 орны тамирчид өрсөлдсөнөөс Монгол Улсын тамирчин Баярцогтын Мөнхзаяа 2:40:15 цагийн амжилтаар долоодугаар байр эзлэв.

Мөн энэ тэмцээнд өрсөлдсөн Монгол Улсын тамирчин Галбадрахын Хишигсайхан 2:42:57 цагийн амжилтаар аравдугаар байрт орлоо. Марафон гүйлтийн эмэгтэйчүүдийн төрөлд Бахрайн улсын тамирчин Келимо Росе түрүүлж, алтан медалийн эзэн боллоо.

Т.ОД