Баянзүрх дүүргийн нутаг дэвсгэрт өчигдөр /2018.08.21/ 09:50 цагт явган хүний гарцаар хүүхдээ тэврэн гарч явсан эмэгтэйг мөргөсөн хэрэг гарсан. Тодруулбал, Офицеруудын ордноос хойшоо Цайз захын уулзвар руу явах чиглэлийн замд эх, хүүхэд хоёрыг портер машины жолооч мөргөж гэмтээсэн юм. Тухайн үед эх хүүхэд хоёр зүгээр босоод явж байгаа нь камерын бичлэгт үлджээ. Замын цагдаагийн албанаас дээрх жолоочийг замын хөдөлгөөний дүрэм зөрчиж, осол гаргасан учир 100 мянган төгрөгөөр торгож, жолоочийн таван оноог хасах арга хэмжээг авчээ. Харин портер машины жолооч мөргүүлсэн эмэгтэйтэй эвлэрэн тохиролцож 300 мянган төгрөгийн хохирлыг барагдуулсан байна.

Э.АРИУН