Техас мужийн Лас-Вегасын тэтгэврийн хөгшин 63 настай Жаон Гинтер энэ сарын 7-ноос “Азын хатагтай” гэж Америкийн хэвлэлийнхэнд нэрлэгдэх болжээ. Тэрээр сүүлийн 17 жилийн дотор янз бүрийн лотерейгаар хожин дандаа долоон оронтой тоо авч иржээ. Хамгийн сүүлчийн хожил нь 10 сая ам.доллар байлаа.
Тэрээр энэ мөнгөө 45 долларын үнэтэй билетаар хожжээ. Татвараа төлсний дараа Жоан гар дээрээ цэвэр 7,5 сая ам.доллар авсан байна гэж ABC News энэ сарын 7-нд мэдээлжээ.
Хамгийн анх 1993 онд аз түүнийг ивээн Жаоны худалдан авсан Lotto Texas билет 5,4 саяыг атгуулсан байна. Holiday Millionaire лото 2006 онд дахиад хоёр саяыг түүнд авчирав. Millions and Millions лотерейгаар тэр 2008 онд хөрөнгөө гурван саяаар зузаалсан байлаа. Түүний нийт хожил 20 саяас илүү гарчээ. Дөрөв дараалан лотерейгоор хожих магадлал 200.000.000 саяас нэг удаа байдаг гэж  мэргэжилтнүүд тооцоолсон байна. Миссис Гинтер бүх азтай билетээ эцгийнхээ амьдардаг Бишоп хотын нэгэн мини маркетаас авсан гэж сэтгүүлч нарт ярьжээ.