Испанийн алдарт “Реал Мадрид” клуб өнгөрсөн шөнө клубүүдийн дэлхийн аварга шалгаруулах тэмцээний шигшээ тоглолтод “Сан Лорензо” клубтэй тулж, 2:0-ээр буулгаж авсанаар аварга боллоо.  Ингэснээр “Реал Мадрид” энэ жил нийтдээ дөрвөн цом авч чадлаа.  Тэд Аваргуудын лиг, Европын супер цом, Эзэн хааны цом, Клубүүдийн дэлхийн аварга түрүүлж чадлаа. Харин Ла лиг болон Испанийн супер цомыг “Атлетико Мадрид”-д алдсан юм.

Энэ удаагийн тоглолтын 37 дахь минутад Сержио Рамос гоолдож, тооны харьцааг нээсэн. Тэрбээр хагас шигшээд мөн гоолдож, багаа хожилд хөтөлсөн. Тэгвэл хожлын гоолыг 51 дэх минутад Гарет Бейл оруулжээ. Энэ удаагийн Клубүүдийн ДАШТ-ий шилдэг тоглогчоор Рамос тодорч, “Алтан бөмбөг”-ийн эзэн боллоо.

Н.БОЛД

Эх сурвалж: www.mminfo.mn