“Black box” театрын ээлжит драмын урлаг сонирхогчдод дэлгэж буй бэлэг “Ялаа”. Оросын яруу найрагч, жүжгийн зохиолч найруулагч Вадим Левановын “Ялаа” зохиол нь эл театрын оны сүүлийн жүжиг гэнэ. Вадим Леванов зохиолч нь горькийн нэрэмжит утга зохиолын сургуулийг 1998 онд төгсөж байжээ. Одоогоор түүний зохиолууд Герман, Франц, ОХУ-ын театруудад амжилттай тоглогдож буй. “Black box” театрын энэ оны сүүлийн жүжиг болох “Ялаа” зохиолыг Вадим Леванов Японы алдарт зохиолч Абэ Кобогийн “Элсний хүүхэн” романаас сэдэвлэн бичсэн байна.

Уг жүжгээс өнөө цагт хэнд ч тохиолдож болох айдас, цөхрөл, ганцаардал, аргагүйдлийг үзэгчдэд мэдрүүлэх, орчин үеийн нийгмийн мөн чанарт нөлөөлж, хэрхэн хайрцаглагдаж,хэрхэн тусгаарлагдаж буйг үзэж, мэдэрч болох аж.

“Ялаа” моно драм арванхоёрдугаар сарын 20-нд 18.00 цагт “Black box” театрын тайзнаа амилна.

Э.ТЭКҮ