“Blue moon” арт галерейд арванхоёрдугаар сарын 15-24-ны хооронд “Гишүүн уран бүтээлчид-5” үзэсгэлэнг уран зураг сонирхогчдын хүртээл болгохоор зэхжээ.

“Blue Moon” арт галерей нь 50 гаруй гишүүн уран бүтээлчидтэй бөгөөд гишүүн уран бүтээлчдийнхээ бие даасан үзэсгэлэн, менежмент болон маркетингийг бүрэн хариуцан ажилладаг гэнэ. Эл үзэсэгэлэнд “Blue moon” арт галерейн гишүүн уран бүтээлчдийн 40 орчим бүтээл дэлгэгдэж буй.

Уг галерей нь  идэвхитэй уран бүтээлээ туурьвиж буй уран бүтээлчдийг дэмжин ажиллаж тэдний уран бүтээлийн төсөл бичих, хэрэгжүүлэх тал дээр анхааран 20 гаруй уран бүтээлчдийн бие даасан үзэсгэлэнгийн төслийг ивээн тэтгэж зохион байгуулжээ. Дүрслэх урлагийн төрлүүдээр  төрөлжүүлэн таван төрлийн үзэсгэлэнг хоёр дахь жилдээ олон нийтийн үзэсгэлэн зохион байгуулж нийт 800 гаруй уран бүтээлчдийг хамруулж, 20 уран бүтээлчид үнэ бүхий зүйл болон мөнгөн шагнал, үзэсгэлэн гаргах эрхээр шагнасан. Галерейн дэргэд “Аялагч зураачдын клуб” байгуулж гурван удаагийн аялал хийсэн бөгөөд 2014 онд “Mиний нутаг-2” сэдвээр байгалийн судалбар хийх зуны аялалыг 2014 оны долдугаар сарын 8-10-ны хооронд 30 хоног, 5120 км зам туулан эх орныхоо үзэсгэлэнт газруудаар аялсан байгалийн судалбар зургийн найман уран бүтээлчийн 80 гаруй бүтээлээрээ үзэсгэлэн зохион байгуулжээ.

Э.ТЭКҮ