ОХУ-ын Хиагт хотноо ОХУ-ын Гаалийн байгууллагын нэрэмжит насанд хүрэгчдийн Байлдааны самбо бөхийн аварга шалгаруулах олон улсын насанд хүрэгчдийн нээлттэй тэмцээн явагдаж саяхан өндөрлөсөн. Энэ удаагийн тэмцээнийг ОХУ-ын гавьяат тамирчин, Байлдааны самбо бөхийн дэлхийн хошой аварга Европын хошой аварга Сергей Доржи Таровын нэрэмжит болгон зохион байгуулснаараа онцлог юм. Тэмцээний байлдааны самбо бөхийн төрөлд найман жинд  таван орны 250 гаруй тамирчид өрсөлдсөн билээ. Тэмцээний 68 кг-ын жинд Хилийн 0101 дүгээр ангийн “Бүргэдэй-Уул” хилийн заставын харуулын дарга, ахлагч Б.Ариунболд II, III байрыг тус тус эзлэн хос медалийн эзэн болсон байна.

Д.ЦЭЦ