Английн Премьер лигийн "Соутгемптон" клуб хагас хамгаалагч Морган Шнайлдерлинд шинэ гэрээ санал болгожээ. Тэд түүнд долоо хоногийн 50 мянган фунт стерлингийн гэрээ санал болгосон бөгөөд харин 25 настай Франц залуугийн хувьд одоогоор шинэ гэрээ байгуулаагүй байна. Тэрбээр клубээсээ явах сонирхолтой байгаа бөгөөд "Арсенал" клуб түүнийг сонирхож байгаа гэсэн мэдээлэл байгаа.

Тэд энэ өвлийн солилцоо, наймааны цонхоор санал тавихаар төлөвлөж байгаа гэнэ. Одоогийн байдлаар Морган Шнайлдерлин "Гэгээнтнүүд"-ийн төлөө энэ улиралд 13 тоглолт хийж, гурван гоол, нэг оновчтой дамжуулалт өгсөн үзүүлэлттэй байна.

Б.ХОСОО

Эх сурвалж: www.mminfo.mn