Ерөнхий сайд Ч.Сайханбилэг Батлан хамгаалахын сайд Ц.Цолмонд яамны тамга гардуулж, ажлын амжилт хүслээ.

Тамга хүлээлцэх ёслолын үеэр Батлан хамгаалахын сайдаар  УИХ-ын  болон Засгийн газрын гишүүнээр удаа дараа сонгогдож, томилогдож ажиллаж байсан улс төрийн ажлын арвин туршлагатай улс төрч томилогдож байгаад баяртай байгаагаа Ерөнхий сайд хэлээд шинэ сайдаа дэмжиж ажиллахыг яамны хамт олон уриаллаа гэж Засгийн газрын хэвлэл мэдээлэл олон нийттэй харилцах албанаас мэдээллээ.