Москвагийн хөлбөмбөгийн "Спартак" клуб Италийн "Милан" багийн довтлогч Клас-Ян Хунтеларыг сонирхож байна. 2010 оны гуравдугаар сарын 6-нд болсон Милан-Рома багуудын тоглолтын өмнө Холланд довтлогчийг "Спартак" багийн төлөөлөгчид анзаарсан бололтой гэж "ITA Sport Press" мэдээлж байна. Энд бичсэнээр бол Хунтеларийг зөвхөн "Спартак" төдийгүй өөр хэд хэдэн Европын багууд түүнчлэн Английн "Астон Вилла" болон "Вестхэм" багууд бас сонирхож байгаа юм.
     26 настай Холланд тамирчин 2009 оны зун Мадридын "Реал"-аас 15 сая еврогоор "Милан"-д шилжин ирсэн бөгөөд 2009-2010 оны Италийн аваргын улирлын тэмцээнд тэр 18 тоглолтод оролцон зургаан бөмбөг өрсөлдөгчийнхөө хаалганд хийжээ. Хамгийн сүүлд "Рома"-тай хийсэн тоглолтод 90 минутын туршид талбай дээр байсан боловч олигтой тоглолт үзүүлж чадаагүй юм.
                                                                                                                           Л.Золбаяр