Бразилийн Рио-де-Жанейро хотноо 2016 онд болох зуны олимпийн наадмын албан ёсны хоёр бэлгэдлийг өнгөрөгч даваа гаригт(11.24) танилцуулжээ. Тэдгээр нь тус улсын амьтны болон ургамлын ертөнцийг бүхэлд нь илэрхийлсэн юм байна. Олимпийн наадмыг зохион байгуулах хорооноос энэхүү бэлгэдлийг гаргаж ирснээр залуучуудыг хүн төрөлхтний энэхүү наадамд идэвхтэй оролцоно гэж найдаж байгаа аж. Харин Бразилийн иргэд энэ хоёр бэлгэдлийн нэрийг интернэтээр сонгох аж. Мөн энэхүү танилцуулгын нээлтийн үеэр өмнөх наадмуудын бэлгэдлийг олон нийтэд танилцуулсан байна.

Рио-де-Жанейро нь Испанийн Мадрид, Японы Токио, АНУ-ын Чикаго хотуудтай өрсөлдөн зуны олимп зохион байгуулах эрхийг олж авсан юм. XXXI дэх зуны олимпийн наадам 2016 оны наймдугаар сарын 2-21-ны өдрүүдэд болно.

Ч.БОЛОР