НБА-гийн талбайд өнөөдөр таван тоглолт боллоо. Өнөөдрийн хамгийн сонирхолтой тоглолт болох сүүлийн дөрвөн тоглолтодоо ялалт байгуулаад байсан Денвер Наггетс талбай дээрээ Пау, Рөүз тэргүүтэй Чикаго Буллзыг хүлээн авч тоглолоо.

Тоглолтын эхний хагаст 49-56 харьцаагаар Наггетсын ялалтаар өндөрлөсөн бол гуравдугаар үед онооны зөрүүг холдуулж 76-86 болгож дуусгажээ. Гэвч тоглолтын эцсийн мөчид онооны зөрүүг Бухнууд гурав болгож ойртуулсан ч ялалт байгуулж чадалгүй 109-114 харьцаагаар ялагдал хүлээсэн байна. Өмнөх тоглолтод гэмтлээс эргэн ирсэн Деррик Рөүз өнөөдөр талбайд гарч тоглосон ч 9 дэх минутад тоглож байхад булчин зангирсан бөгөөд дахиж талбай дээр гарч ирээгүй байна. Тус тоглолтод Ти Лавсон 20 оноо, 12 оновчтой дамжуулалт үзүүлж багаа тэргүүлсэн бол Аффола 19 оноо, Хиксон 15 оноог тус бүр авчээ. Харин эсрэг багаас Жимми Батлер 32 оноо, 9 самбараас бөмбөг авч багаа тэргүүлсэн бол Пау Газол 22 оноо, 11 самбараас бөмбөг авчээ.

Бусад тоглолтууд
Атланта Хаукс 106-102 Вашингтон Уйзардс
Голден Стэйт Уорриорс 114-97 Миами Хит
Детройт Пистонс 86-98 Милоуки Багс
Сакерменто Кингс 99-89 Нью-Орлейн Паликанс
Чикаго Буллз 109-114 Денвер Наггетс