-Маргааш 69 дэх ёкозүна Хакүхо, 71 дэх ёкозүна Какүрюү нарын барилдаанаас түрүү бөх тодорно.-

Мэргэжлийн сүмогийн арваннэгдүгээр сарын тэмцээн Японы Фүкүока хотноо маргааш өндөрлөнө. Кюүшюү башёгийн 14 дэх өдрийн барилдаанд ёкозүна Хакүхо ёкозүна Харүмафүжигаар ээлжит даваагаа авлаа. Мөн ёкозүна Какүрюү озэки Котошёогикүгээр 12 дахь даваагаар авсан юм. Ингэснээр тэмцээний сүүлийн өдөр буюу маргааш 69 дэх ёкозүна Хакүхо, 71 дэх ёкозүна Какүрюү нарын барилдаанаас түрүү бөх тодорно. Башёг сонирхолтой болгож буй Монгол сүмочдын хувьд тэмцээний сүүлийн өдөр хүртэл өрсөлдөөнийг гаргаж чадлаа. Маргааш Хакүхо давбал шууд түрүүлэх бол унавал хоёр бөхийн хооронд нэмэлт барилдаан гарах юм. Хакүхо дээд зиндаанд 31 түрүүлсэн амжилтаар бүх цаг үеийн хоёрт жагсаж буй. Тэрээр Кюүшюүд түрүүлбэл Тайхо аваргын дээд амжилттай зэрэгцэх билээ.

Мөн энэ өдөр сэкивакэ Ичиножёо озэки Кисэносатогоор 8 дахь даваагаа авч тавиас дээш хувийн амжилтаа үзүүллээ. Ичиножёогоос гадна M-13 Араваши Э.Дөлгөөн, М-15 Кёкүшюүхо Т.Эрдэнэбаатар нар ч 50 хувийн босгыг давсан юм. Олон олон рекорд тогтоож буй Кёкүтэнхо Н.Цэвэгням өнөөдөр нутгийн бөх Тамаваши Б.Мөнх-Оргилоор 9 дэх аваагаа авлаа.

Монголын бөхчүүдээс: (14 өдрийн дараах байдлаар)

Ёкозүна Хакүхо М.Даваажаргал 13-1

Ёкозүна Харүмафүжи Д.Бямбадорж 10-4

Ёкозүна Какүрюү М.Ананд 12-2

Сэкивакэ Ичиножёо А.Ичинноров 8-6

М-3 Тэрүнофүжи Г.Ган-Эрдэнэ 7-7

М-10 Тамаваши Б.Мөнх-Оргил 7-7

М-11 Кёкүтэнхо Н.Цэвэгням 9-5

М-13 Таканоива А.Баасандорж 3-11

M-13 Араваши Э.Дөлгөөн 8-6

М-15 Кёкүшюүхо Т.Эрдэнэбаатар 8-5 гэсэн амжилттай явна.

Ч.БОЛОР