Лондон хотын гудамжнаа Кембрижийн гүнгийн ахайтан Кейт Миддлтоны жирэмсэн зургийг зуржээ. Гудамжны зураач Пегас гэгч “Caledonian Rd  318” гудамжны “Faith Inc” галерейн хананд уг графит зургийг зурсан байна.

Графит зурагт жирэмсэн Кейт Миддлтоны гэдсэн дээр хааны титэм дүрсэлсэн байв. Зурган дээр зураачийн хувийн тэмдгээс гадна “Хаан ширээний тоглоом” гэсэн алдартай олон ангит киноны логог зурсан нь хаан ширээ залгамжлагч хоёр дахь хүүхдийг хэлж байгаа бололтой.

Лондоны галерейн төлөөлөгч хэлэхдээ “Пегас бүтэн шөнийн турш энэ зургийг зурсан” гэжээ. Гудамжны зургийн мастер зураачид энэхүү зургийг нь “Худалдаж авъя” гэж хоёр ч хүн хандсан боловч тэрээр татгалзсан хариулт өгчээ. Дашрамд дурьдахад, Пегас өмнө нь Кейт Мидлтоныг эх дагина Мариягийн дүрээр зурж байжээ.

Бэлтгэсэн Ш.МЯГМАР