“Форбс” сэтгүүл 2014 оны дэлхийн хамгийн үнэ цэнэтэй тоглогчдын чансааг шинэчлэн гаргасан байна. Чансааны нийлбэрээр ОХУ-ын теннисчин Мария Шарапова 24,4 сая ам.долларын орлоготой ажилласнаараа энэ оны хамгийн шнэ цэнэтэй эмэгтэй тамирчдын жагсаалтыг тэргүүлжээ. Түүний араас БНХАУ-ын Ли На (23.6 сая ам.доллар), АНУ-ын Серена Уильямс (22 сая ам.доллар) нар удаалсан байна.

Харин АНУ-ын иргэн боксчин Флойд Мэйуэзер 105 сая ам.доллараар үнэлэгдэж, 2014  оны хамгийн үнэ цэнэтэй эрэгтэй тамирчдын жагсаалтыг тэргүүлжээ. Түүний араас “Реал”-ын Криштиано Роналду (80 сая ам.доллар), сагсан бөмбөгийн “Кливленд”-ийн Леброн Жеймс (72.3), “Барселона”-ын Лионель Месси (64.7), сагсан бөмбөгийн “Лейкерс”-ийн Коби Брайант (61.4), гольфчин Тайгар Вүүдс (61.2), теннисчин Швейцарийн Рожер Федерер (56.2), Испанийн Рафаэль Надаль (44,5) нар орлогоороо удаалсан байна.

Ч.БОЛОР