Ч.Сайханбилэгийг дэмжих боломжгүй гэж үзжээ | News.MN

Ч.Сайханбилэгийг дэмжих боломжгүй гэж үзжээ

Хуучирсан мэдээ: 2014.11.20-нд нийтлэгдсэн

Ч.Сайханбилэгийг дэмжих боломжгүй гэж үзжээ

Ч.Сайханбилэгийг дэмжих боломжгүй гэж үзжээ

АН-аас шинэ Ерөнхий сайдад Ч.Сайханбилэгийг нэр дэвшүүлж, Үндсэн хуулийн 33.2-т заасны дагуу улс төрийн намуудтай зөвшилцөх албан бичиг явуулжээ. Энэ хүрээнд УИХ дахь МАН-ын бүлгийн өнгөрсөн мягмар гаригийн хуралдаанд АН-ын дарга З.Энхболд, Ерөнхий сайдад нэр дэвшигч Ч.Сайханбилэг нар оролцож, цаашид авч хэрэгжүүлэх  бодлого, хөтөлбөрөө сөрөг хүчнийнхэнд  танилцуулсан юм. МАН-ын бүлгийн хуралдааны дараа намын удирдах зөвлөл хуралдаж шинэ Ерөнхий сайдыг дэмжих эсэх талаар шийдвэрээ гаргажээ. Энэ тухай МАН-ын дарга М.Энхболд, УИХ дахь МАН-ын бүлгийн дарга С.Бямбацогт, Ерөнхий нарийн бичгийн  дарга Ж.Мөнхбат  нар сэтгүүлчдэд мэдээлэл өглөө. МАН-ын удирдах зөвлөлийн хурлаар эдийн засгийг өнөөдрийн хямралт байдалд хүргэж, улс орныг өрийн дарамтад оруулсан шинэчлэлийн гэх тодотголтой Засгийн газрын Хэрэг эрхлэх газрын даргаар ажиллаж байсан Ч.Сайханбилэгийг шинэ Ерөнхий сайд болгох АН-ын саналыг зарчмын хувьд дэмжих боломжгүй гэж үзжээ. МАН-ын удирдлагууд шинээр байгуулагдах Засгийн газар  нийгмийн өмнө тулгамдсан олон асуудлыг түргэн шуурхай шийдэж,  эдийн засаг, улс төрийн хямралтай байдлаас гарах ёстой гэсэн байр суурьтай байгаа аж. Өмнөх Засгийн газрын алдаатай бодлогыг засч залруулах шаардлага ч шинэ Засгийн газрын өмнө тулгарч байгааг МАН-ынхан хэллээ. Тиймээс өмнөх Засгийн газрын үед  Хэрэг эрхлэх газрын даргаар ажиллаж байсан хүн тэдний шаардлагыг биелүүлж чадахгүй хэмээн үзсэн байна. Улс орны өмнө тулгарсан том бэрхшээлийг шийдвэрлэх  улс төрийн болон эдийн засгийн мэдлэгтэй, туршлагатай, УИХ дахь намын бүлгийнхээ дэмжлэгийг авч чадахуйц бусад улс төрийн намуудтай ойлголцож ажиллах чадвартай хүнийг АН-аас дараагийн Ерөнхий сайдад нэр дэвшүүлбэл ойлголцол, зөвшицөлд хүрэхэд бэлэн байгаа аж. МАН-ын удирдах зөвлөлөөс гаргасан энэхүү албан бичгийг өчигдөр өглөө АН-ын дарга З.Энхболдод өгчээ. МАН-ын Удирдах зөвлөл 21 гишүүнтэй бөгөөд нийт гишүүдийн 63 хувь нь Ерөнхий сайдад нэр дэвшигчийг дэмжих боломжгүй гэж үзжээ. Үүний дараа сэтгүүлчид МАН-ын дарга М.Энхболд, Ерөнхий нарийн бичгийн дарга Ж.Мөнхбат, МАН-ын бүлгийн дарга С.Бямбацогтоос зарим зүйлийг тодрууллаа.

Ерөнхий сайдад нэр дэвшигчийг дэмжих эсэх асуудлаар МАН хоёр хуваагдаад байна гэсэн мэдээлэл гарсан. Эцсийн байдлаар ойлголцсон юм уу. МАН дараагийн засагт хамтрах уу?

Ж.Мөнхбат:  -Зарим сайтад ийм мэдээлэл гарсан нь ташаа гэдгийг албан ёсоор хэлье. АН-аас Ерөнхий сайдад нэр дэвшигчийн талаар зөвшилцөх санал тавьсны дагуу даваа гаригт намын Удирдах зөвлөл хуралдсан. Мөн намын бүлгийн хуралдаанаар АН-ын дарга болон нэр дэвшигчийн байр суурийг сонссон. Үүний дараа намын бүлгийнхээ гишүүдийн саналыг сонссон. Түүнээс бүлэг энэ асуудлаар улс төрийн шийдвэр гаргаагүй. Өөрөөр хэлбэл, санал хураалт явагдаагүй. Эцсийн шийдвэрийг намын Удирдах зөвлөлөөс гаргасан. Бүлэг нь нэг шийдвэр гаргаад, Удирдах зөвлөл нь өөр шийдвэр гаргасан юм биш. МАН-д засагт хамтрах эсэх талаар санал ирээгүй. Хүсэлт ирээгүй учраас бид хэлэлцээгүй. Хэлэлцээгүй учраас албан ёсны байр сууриа илэрхийлэхгүй.

-Р.Амаржаргал гишүүнийг хэрвээ санал болгосон бол та бүхэн дэмжинэ гэсэн үг үү?

М.Энхболд: -Тэр хүн, энэ хүний нэр орж ирсэн бол дэмжих байсан гэдэг дээр би шууд хариу өгмөөргүй байна. АН-ын ҮЗХ бидний тавьж байгаа шаардлагыг харгалзаж үзээд дараагийн хүнээ оруулж ирэхэд бид зөвшилцөхөд бэлэн байгаа.
-УИХ-ын тэр гишүүн, энэ гишүүнийг Ерөнхий сайдад нэр дэвшүүлбэл бид дэмжинэ гэх маягаар шууд нэр зааж болдоггүй юм уу?

С.Бямбацогт: -Сая намын удирдлагууд тодорхой хариуллаа. Асуудал үүсээгүй байхад бид болзол тавьж, тийм хүн нэр  дэвшүүлбэл дэмжинэ гэх мэтээр нэр зааж хэлэх боломжгүй. Энэ бол УИХ-д олонхи болоогүй ч олон суудалтай АН, хамтран ажиллаж байгаа "Шударга ёс" эвсэл, ИЗЗН-ын шийдэх асуудал. Үндсэн хуулийн 33 дугаар зүйлийн 2-т "Ерөнхий сайдад нэр дэвшигчийг парламентад суудалтай улс төрийн намуудтай зөвшилцөж Ерөнхийлөгчид өргөн мэдүүлнэ" гэж заасан байдаг. Энэ хүрээнд олон асуудалтай нам бусад намтай зөвшилцөж байгаа. Хэрвээ энэхүү зөвшилцөл амжилтгүй болбол дараа нь УИХ-д суудалтай намууд зөвшилцөх хуулийн заалттай. Энэ хүрээнд л асуудал яригдана.

-МАН цалин тэтгэврийг 30 хувиар нэмэгдүүлэх шаардлага тавьсан. Үүнийгээ хэрэгжүүлэхийн тулд ямар нэг гацаа үүсгэхгүйгээр явах байсан юм биш үү. Магадгүй ард түмэн танай энэ саналыг нааштай хүлээж байгаа шүү дээ?

С.Бямбацогт: -Ер нь МАН 2012 оноос хойш үндэсний зөвшилцлийн асуудлыг ярьж байгаа. 2012 оны сонгуулийн дараа Засгийн газрын мөрийн хөтөлбөрт Монгол Улсаа хөгжүүлэх нэгдсэн бодлоготой болъё, үүн дээр улс төрийн намууд зөвшилцье гэдэг санааг тусгах саналыг тавьж байсан. Харамсалтай нь бидний саналыг хүлээж аваагүй. МАН-ын 27 дугаар их хурлаар бүтэц, зохион байгуулалтын асуудлаас гадна Монгол Улсын хөгжлийн зорилтын тухай хөтөлбөрийг баталж, улстөржиж талцахгүйгээр улс орноо хөгжүүлэх бодлогыг дэвшүүлж ард иргэддээ уриалж байсан. Гэвч өнөөдрийг ажил болж явж чадахгүй байна. Гэхдээ заавал Засгийн газарт хамтрах бус улс орны хөгжил, ард түмний сайхан амьдрал, сонгуульд дэвшүүлсэн мөрийн хөтөлбөрөө биелүүлэхийн төлөө бид парламентад дуу хоолойгоо илэрхийлж ажиллана.

М.Энхболд:  -Бид олон асуудлаар эрх баригчдад хандаж байсан. Намын 27 дугаар их хурлаас хойш улс төрийн намуудын дарга, ерөнхий нарийн бичгийн дарга нар оролцсон үндэсний зөвшилцлийн уулзалтыг найман удаа хийсэн. Инфляцтай уялдуулж жил бүр цалин тэтгэврийг нэмэгдүүлэх хуулийн төслийг УИХ-д өргөн барьсан. Харин эрх баригчид энэ хуулийн төслийг хэлэлцэхгүй байгаа. Хэрвээ хэлэлцвэл цалин тэтгэвэр, үнийн өсөлт хоорондоо уялдаж иргэдийн ахуй амьдралд хүндрэл бэрхшээл үүсэхгүй байх боломж бүрдэх юм.

2015 оны төсвийн хувьд МАН-ын бүлэг хуулийн хугацаанд нь батлахын тулд бараг өргөн барьсан эрх баригч шиг ажилласан. 14 хоногийн дотор  төсвийн асуудлаар найман удаа хуралдсан. Цалин тэтгэврийг төсөвт тусгагдсанаас ч илүү нэмэгдүүлэх, урсгал зардлыг үүнээс ч илүү бууруулах саналтай байсан. Харамсалтай нь батлагдаж чадаагүй. Одоогийн батлагдсан төсвөөр цалин тэтгэврийг 15-20 хувиар нэмэгдүүлэх эх үүсвэр тавигдсан. Ер нь он гараад төсөв хэрэгжихэд хүндрэл бэрхшээл учрах байх.  Тодотгол хийх үеэр цалин тэтгэвэр нэмэгдүүлэх чиглэлээр  дахин шаардлага тавьж ажиллана.

-Хэрвээ танай намын бүлэг Ерөнхий сайдад нэр дэвшигчийг дэмжихгүй гэвэл УИХ дээр унах боломжтой. Засгийн газаргүй 14 хонож байна. Улс орны эрх ашгаа бодоод асуудлыг цааш нь явуулчихаж болдоггүй юм уу?

-Арваннэгдүгээр сарын 5-нд Ерөнхий сайд огцорсон. Бид арваннэгдүгээр сарын 17 хүртэл эрх баригчдыг Ерөнхий сайдад нэр дэвшигчийнхээ талаар саналаа ирүүлэх болов уу гэж харсан. Хоёр долоо хоногийн турш АН хоёр ч удаа төлөөллийн байгууллагынхаа хурлыг хийх гэж хугацаа алдлаа. Бид засаг төрийг байгуулах асуудал дээр ямар нэг саад бэрхшээл болоод байгаа зүйлгүй. 17-нд өгсөн бичгийн хариуг 18-ны хурлаараа шийдээд нэг хоногийн дотор өглөө. Бид эрх ашгийг эрэмбэлж байгаа. Ер нь Засгийн газрыг хурдан байгуулж өгөх, засаг төр үйл ажиллагаагаа тасралтгүй явуулах гэдэг зарчмын байр суурин дээр бид байгаа. Гэхдээ шинэ Засгийн газрын ажиллах нөхцөл бололцоо, тэнд ажиллах хүмүүсийн чадвар, өмнөх Засгийн газрын алдааг засах залруулах, ингэж байж улс орны эдийн засагт нааштай ахиц өөрчлөлт гаргах ёстой гэдэг зарчмын асуудал нь цаг хугацаанаасаа илүү ач холбогдолтой гэж ойлгож байгаа.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2014-11-20 124.158.111.52

МАН -н нөхдүүд засгийн газрыг аль болох байгуулахгүй гэж зүтгэж байгаа нь монголын ард түмэн хамаагүй бид идэж ууж дуусаагүй байна гэж байгаатай адилхан Энэ нөхдүүд одоо болоо юм биш үү Урд засгийн газар хүний нүдэнд харагдах ажлууд хийж байсан шүү дээ Ер нь засгийн газрыг нь унагаж үймүүлж л байвал МАН-н нөхдүүдийн баяр баясгалан нь тэр үүнийг ард түмэн ойлгож байгаа шүү

Avatar

Зочин 2014-11-20 202.72.243.130

хятадууд австралиас нүүрсээ авна гэнэ. тэгэхдээ татвара байхгүй болгосон байна. манайх тэгж байхад яаж байна дотроо хэрэлдсээр байгаад хоёр хөршийн тэргүүнүүдийн айлчлалыг өөртөө ашигтай байдалд хүргэж чадсангүй та нар төр толгойлж байгаа юм бол ухаантай байгаач

Avatar

Зочин 2014-11-20 202.72.243.130

МАН-ыхан далдуур хор найруулж засагт орох гээд бүтэлгүйтсэн гээд бичээд байх юм үнэн бол ичмээр л юм даа бадамжунай баттулга хоёр дунд зуучилдаг ч гэх шиг та анр дотроо ингэж зуучилна ч гэх шиг заваан юм хийж байхаар ядаж хоёр хөрштэйгээ аятайхан жуучлуулаад өөртөө ашигтай шийдвэр гаргуулж сураач наад дотроо найруулдаг хороо гадагш нь гаргаад үз дээ дотроо үзэж тараад байхын оронд гадагшаа бидэнд ашигтай бүх хувилбарыг брьж аваад ажиллаад үзээч хуучны ноёдын төрийн хар хүний ухаан гадаад бодлого дээр онцгой илэрч гардаг байсан юм өнөөгийн түшмэдийн ухаан дотроо суудал сандал мэтхэн дээр булаацалдах маягаар илрэх юм аа

Avatar

иргэн 2014-11-20 103.229.122.16

энэ сайтыг уншдаг дэмждэг хүмүүсийн 50 хувь орчим нь хараалчид байх юмаа, өөр сайтууд тийм биш байхад. Сайтын удирдлага огт анхаарал тавихгүй байгаа нь харамсалтай байна. Монгол хүний амны билэг ийм байдаггүйсэн

Avatar

Зочин 2014-11-20 103.229.120.147

MAN-ARD TUMEN?

Avatar

Тарваа 2014-11-20 103.229.122.55

АН-ын үйл ажиллагаа нь МАН-д таалагдаагүй, мөн ард түмний зүтгэл ч гэсэн МАН-д таалагдаагүй.МАН-ынхан зөвхөн ажил цалгардуулахаа, ард түмнээ доромжлохоо мэддэг юм байна. Ард түмний индэр гэгчийг гаргая.

Avatar

админ 2014-11-20 103.229.120.248

МАН улс орноо бодон доромжлол хийрхэлийг тэвчин байж тэмцэж байна. Түүхийг хэн ч үгүйсгэхгүй хийж бүтээсэн зүйл мөн ч их дээ

Avatar

Зочин 2014-11-20 112.72.13.174

Газарчин Тендерчин Казиночин гурав ярьсан байна. Энэ гурав зайлбал Монгол аврагдана

Avatar

иргэд 2014-11-20 202.179.10.150

ИТГЭЛ-СЭТГЭНЛ хоёрыг 100% дэмжиж байна,хэрэггүй нөхдийг ялангуяа гай болсон МАН-ыг газрын хөрснөөс арчсан ч багадах биз,өжнөөх ард иргэд эх орон эрх чөлөө гэж улигладаг нь яалаа,ЕС сонгох БХ-ны хуралд бүгдээрээ ирэхгүй байхдаа яадаг байна,тийм хууль эрх зүй байхгүй шүүдээ,харин ирж оролцоод ямар санал өх нь тэдний хэрэг,ам ажил 2 нь алд дэлэм зөрсөн ийм юмнуудыг төр төмөр нүүрээ гаргаж төрөөс зайлуулах хэрэгтэй болжээ.

Avatar

Итгэл сэтгэл 2 2014-11-20 182.160.2.23

Уг нь АН боломжийн хүнээ гаргасан бол МАН дэмжихгүй байх нь аргагүй ээ. Тэд хохирчино шүү дээ. Ер нь тэгээд АН-МАН хоёр унагаасан засгаа эргүүлээд босгож чадахгүй юм бол засаг байгуулахгүй байна биз дээ. Энэ УИХ тарвал таарна.Хүслээр тарж өгөхгүй ард түмнийг тарчлаана л даа. Тиймээс эднийг хүчээр хөөж тараагаад түр засгийн газар байгуулж ажиллуулчаад Ард түмний их хуралдай зарлах хэрэгтэй.Сонгууль явуулах хэрэгтэй. Үндсэн хуулиа шинэчилж эдний давхар дан дээлний асуудал, Засгаар тоглож суудаг УИХ-ын эрх хэмжээг өөрчилж хурал нь хуулиа хэлэлцээд сууж байдаг, Засаг нь ажлаа хийгээд явж байдаг болгох хэрэгтэй байна.Намаар талцдагийг болиулж, ард түмнээ талцуулж үндэсний эв нэгдлийг алдагдуулж байдгийг болиулах хэрэгтэй байна. Цөөн хэдэн монголчууд бие биенээ үзэхээ байлаа.Төрийн дээр нам сандайлж суучаад байгааг болиулъя! Би МоАХ, АНамын анхдагч хүн , олон жил намын дарга хийж олон сонгуульд оролцож ялж, ялагдаж тэмцэж явахдаа ийм хөгийн Засаг ,төрийн төлөө яваагүй, улс орноо хөгжих цаг үедээ ингэж гацаад сууж байхыг харахыг хүсээгүй юм шүү. Одоо болий. Бүр өөрчлөе, дахин өөрчлөхийг хүсэж байна.Бид өөрчилж чадна. Унагах гээд өдрийн бодол шөнийн зүйд байхад нь өөрсдөө урьханд нь ороод унагаалцаад төрөөр тоглоод байхдаа яадаг годилууд вэ. Төрөөр тоглохгүй шиг хийж ёадах юмаа хийгээд чадаагүйгээ дараагийнхадаа үлдээнэ л биз дээ. Өөрсдийгөө төр гэж бодчоод тоглоцгоогоод байдаг малуудыг хөөж явуул.Монгол улсын төрийн эрх мэдэл ард түмний гарт байдаг л юм бол андуу эндүү бодолтой 76- товаришийг толгой дээрээсээ зайлуулцгаая нөхөдөө !!!

Avatar

Зочин 2014-11-20 202.179.10.26

Сайханбилэг сайн ажиллаад АН-ын нэр хүнд дээшээ гарчина гэж МАНгарууд нарийн тооцоолж үхтэл айж байгаа юм биздээ,бухан бяруу, ухна гээд л улаан нүдэлсэн юмнууд шуналдаа хахаж үхлээ.

Avatar

Зочин 2014-11-20 150.129.143.208

УИХ-ын дарга болчих гээд үзээд байгаа юм биздээ зайлуул, бас болоогүй 4-6 яамыг авна гэж байгаа гэлүү, ард түмэнтэйгээ ойрхон нам гэсэн чинь ардын төрийг самрагчид юм бишүү

Avatar

зочин 2014-11-20 150.129.143.201

Алтанхуягийн засгийн газрын үед хийсэн ажлын зарим үр дүн харагдаад эхэлчихсэн байгаа. Хэрвээ Сайханбилэг ерөнхий сайд болоод шинэчлэлийн засгийн газрын бодлогын суурин дээр зарим өөрчлөлтийг хийгээд ажилчихвал 2016 он гэхэд АН-ын мөрийн хөтөлбөрийн үр дүн нь маш өндөр гарахыг МАН-ынхан мэдэж байгаа болохоор зориуд хаалт хийгээд байгаа. Тийм болохоор АН эв нэгдэлтэй байж, гишүүд нь хэн нэгний хатгаасанд орохгүйгээр Сайханбилэгийгээ дэмжээд гаргах хэрэгтэй. АН-ын фракцууд улс орныхоо эрх ашгийг бодоод засгийн газрын шинэ гишүүдийг томилох бүрэн эрхийг Сайханбилэгт өгөх хэрэгтэй. Өөрчлөлт хийж улс орноо өөд нь татахад эдийн засгийн түр зуурийн хямрал байх шүү дээ. Улс орны тусгаар тогтнолтой холбоотой нарийн ширийн нууц асуудал байдаг болохоор Алтанхуяг дуугүй байгаа байх. Улс орны минь эдийн засаг удахгүй сайжирна гэдэгт итгэлтэй байна.

Avatar

Хорлогчид 2014-11-20 124.158.107.9

Хорлогчид болохоор АН зөв хүнээ дэвшүүлсэн байна. Тэд буруу юм хийх хүнийг шууд дэмжинэ

Avatar

Зочин 2014-11-20 202.179.20.192

хахаха яаж ийж байгаад хамтарчих гэсэн хүсэл шунал нь дарсан ч харагдаад байх юм аа.

Avatar

Зочин 2014-11-20 103.229.123.166

zsss ugaasaa hen ni garsan adilhan gedeg ni negent todorhoi 2016 oniig huleehees oor zam alga AH,MAH ali ni ch bish gedegiig l sain sanaj avlaa,oor uls toriin huchin unemlehui yalalt avch bukh gazaanaas garagh ni zuitei,neg shiidver,neg zorilgo dor l uls oron maani hogjino gedegt itgedeg.

Avatar

Зочин 2014-11-20 112.72.13.31

shaaldaa sdanuudaa

Avatar

Зочин 2014-11-20 112.72.13.176

Saihanbilgiig devshuuleh ni Altanhuyagiig dahin gargaj baigaatai yalgaa yu baigaa yum be ugaasaa….

Avatar

монгол 2014-11-20 202.179.8.78

МАН ын хан эсэргүүцэж байгаа бол АН ын нэр дэвшигч зөв хүн гэсэн үг ,МАН монголд болж байгаа сайхан бүхнийг харлуулж,саад болдог нам,яахаараа эх орноо боддогүй мангас ууд вэ.

Avatar

1010 2014-11-20 202.179.10.14

хэзээ МАН эх орноо боддог болоов муу байх тусам улам дарлаж дээрэмдэж хүчиндэж байсан бздээ одоо энэ төрийн хямралын эхлэлийг тавьчихаад одоо гал дээр бензин хийгээд улам хямраагаад бгаа бздээ

Avatar

Зочин 2014-11-20 202.21.113.140

МАН ДЭМЖИХГҮЙ БАЙГАА БОЛ АН ЗӨВ ХҮНЭЭ ДЭВШҮҮЛЖ ГЭЖ ДООРХ ХҮН МАШ ЗӨВ БИЧСЭН БАЙНА. ЯАГААД ГЭВЭЛ ЗАСГИЙН ГАЗАР САЙН АЖИЛЛАВАЛ МАН-Д АШИГГҮЙ. ККК

Avatar

итгэл сэтгэл 2014-11-20 182.160.2.23

Уг нь АН боломжийн хүнээ гаргасан бол МАН дэмжихгүй байх нь аргагүй ээ. Тэд хохирчино шүү дээ. Ер нь тэгээд АН-МАН хоёр унагаасан засгаа эргүүлээд босгож чадахгүй юм бол засаг байгуулахгүй байна биз дээ. Энэ УИХ тарвал таарна.Хүслээр тарж өгөхгүй ард түмнийг тарчлаана л даа. Тиймээс эднийг хүчээр хөөж тараагаад түр засгийн газар байгуулж ажиллуулчаад Ард түмний их хуралдай зарлах хэрэгтэй.Сонгууль явуулах хэрэгтэй. Үндсэн хуулиа шинэчилж эдний давхар дан дээлний асуудал, Засгаар тоглож суудаг УИХ-ын эрх хэмжээг өөрчилж хурал нь хуулиа хэлэлцээд сууж байдаг, Засаг нь ажлаа хийгээд явж байдаг болгох хэрэгтэй байна.Намаар талцдагийг болиулж, ард түмнээ талцуулж үндэсний эв нэгдлийг алдагдуулж байдгийг болиулах хэрэгтэй байна. Цөөн хэдэн монголчууд бие биенээ үзэхээ байлаа.Төрийн дээр нам сандайлаад суучаад байгааг бйагааг болиулъя! Би МоАХ, АНамын анхдагч хүн , олон жил намын дарга хийж олон сонгуульд оролцож ялж, ялагдаж тэмцэж явахдаа ийм хөгийн Засаг ,төрийн төлөө яваагүй, улс орноо хөгжих цаг үедээ ингэж гацаад сууж байхыг харахыг хүсээгүй юм шүү. Одоо болий. Бүр өөрчлөе, дахин өөрчлөхийг хүсэж байна.Бид өөрчилж чадна.

Avatar

zochin 2014-11-20 202.21.118.98

humuusee shine er.saidaa demjijgee-ee.ta nariin taltsaliin ur dund ard tumen ,eh oron chini hetsuudlee shuu.2 ih gurentei baiguulsan geree heltseliin daguu ajlaa hiih heregtei um bishuu.

Avatar

АМИА БОДОГЧИД 2014-11-20 49.0.129.55

МОНГОЛЫН АРД ТҮМЭН ТЭНЭГ БИШ…ТА НАР ЯАЖ Ч ГОЁ ДУУГАРСАН ЭХ ОРНООСОО УРВАГЧИД…ХЭРВЭЭ ТА НАР САЙХАНБИЛЭГИЙГ ЭСЭРГҮҮЦЭЖ БАЙГАА БОЛ АН ЗӨВ ХҮНЭЭ ГАРГАСАН БАЙНА

Avatar

Зочин 2014-11-20 103.229.121.14

МОНГОЛЫН АРД ТҮМЭН ТЭНЭГ БИШ., ХАРИН ЧИ ТЭНЭГ

Avatar

Zochin 2014-11-20 202.179.20.171

MAN demjixguidee bish zugeer uls toryn toglolt xj uls oron ard irgedee uruuduulj doroituullj camrax ulamjlalt bodlogyn ni urgeljlel yum daa

NewsMN Гар утасны хувилбар Татах
NEWS.mn

Мэдээллийн эх сурвалж