Энэ улиралд "Лос Анжелес Лейкерс" баг түүхэндээ байгаагүй хамгийн муу эхлэлийг /1-9/ тавьж бүсийнхээ хомоол хамагч болоод байгаа билээ. Харин багийн супер од Коби Брайнт бэртлээсээ эргэн ирж өөрийн гайхалтай тоглолтоо харуулсан хэвээр байгаа бөгөөд нэг тоглолтод дунджаар 34.8 минутыг талбайд өнгөрүүлж, 37.7 хувьтай довтлон 27.3 оноог дунджилж байгаа юм.

“Хар Мамба” энэ эрчээрээ тоглох юм бол улирлын дунд үе гэхэд домогт Майкл Жорданыг оноогоороо гүйцэх боломжтой болно. Тэрбээр NBA-д 18 улирлыг өнгөрүүлэхдээ карьерийнхаа турш 25.5 оноог дунджилж нийт 31973 оноог цуглуулаад байгаа бол Майкл Жордан 13 жил тоглохдоо 30.1 оноог дунджилж 32928 оноонд хүрсэн байна. NBA-г оноо авалтаараа домогт Карим Абдул Жаббар 38.387 оноотойгоор тэргүүлдэг бол түүний араас Карл Мелоун 36.928, Майкл Жордан 32.292 оноотой тус тус бичигддэг ажээ.

Эх сурвалж: www.mminfo.mn