“Бөртэ үжин”, “Бууз”, “Миний пүүз”, “Баяны дэвсгэр” зэрэг уран бүтээлүүдээр нь манай залуус реппер Цэцэ-г андахгүй. Тэгвэл тэрээр “Vanquish” хамтлагийн арван жилийн ойд зориулсан тоглолтоо арваннэгдүгээр сарын 27-нд “Минт” клубт хийхээр төлөвлөжээ.

Эл тоглолтонд урилгаар “Vanquish”  хамтлаг, N.M.N, “Гурван охин”, реппер Дөлгөөн, BX, “Opozit” хамтлагийнхан болон “Хувьсал” продакшны уран бүтээлчид оролцох гэнэ. Уг тоглолтоос олсон орлогыг 100 хувь Нацагдоржийн нэрэмжит Улаанбаатар хотын төв номын санд байрлах 100 метр квадрат талбайд 1-6 насны хүүхдүүдэд зориулсан номын сан тохижуулахад зарцуулах юм байна.

“Ном ба Ирээдүй” тоглолтын гэнэтийн бэлэг болгож реппер Цэцэ “Намхан” дуугаа клипжүүлжээ. Харин тоглолтын тасалбарын үнэ нь 20 мянган төгрөг юм байна.

Э.ТЭКҮ