Эрэгтэй сагсчид шөвгийн наймд, эмэгтэйчүүд хагас шигшээд шалгарлаа.

Элсний спортын төрлүүдийн Азийн наадам буюу Asian Beach Game Тайландын Пукет аралд явагдаж байна. Манай эрэгтэй сагсчид 2 дахь тоглолтоо Лаосын багтай хийж, 22:7 онооны харьцаагаар хожлоо. Мөн эмэгтэйчүүд Энэтхэгийн багийг 21:12 оноогоор хожлоо.

Эрэгтэйчүүд эхний тоглолтоо талбайн эзэн Тайландтай хийж, 12:14 харамсалтайгаар хожигдсон бол өчигдөр Бутаныг 17:11-ээр хожиж, Энэтхэгт 18-21-ээр хожигдсон юм. Өнөөдөр тэд Лаосын багийг 22:7 оноогоор хожлоо.

Манай эмэгтэй багийн хувьд өнгөрөгч бямба гаригаас тэмцээнээ эхлүүлсэн. Тэд эхний тоглолтод БНХАУ-ын (13:18) багт хожигдсон бол өчигдөр хоёр дахь тоглолтоо Филиппиний эсрэг хийж, 12:11 оноогоор хожсон юм. Өнөөдөр Энэтхэгийн багийг хожиж, хэсэгтээ хоёр хожилтой болсноор хагас шигшээд шалгарлаа. Мөнгөн медалийн төлөө маргааш Тайваны багтай тоглох юм.
 

Эрэгтэй баг:

XI.15 Монгол-Тайланд 12:14

XI.16 Монгол-Бутан 17:11

            Монгол-Энэтхэг 18:21

XI.17 Монгол-БНХАУ 14:15

        Монгол-Лаос 22:5

Эмэгтэй баг:

XI.15 Монгол-БНХАУ 13:18

XI.16  Монгол-Филиппин 12:11

XI.17 Монгол-Энэтхэг 21:12

Эрэгтэйчүүд 12 багаас шилдэг 8-д, эмэгтэйчүүд 8 багаас шилдэг 4-т шалгараад байна. Маргааш манай эрэгтэй баг шөвгийн наймд Катартай, эмэгтэйчүүд мөнгөн медалийн төлөө Тайваны багтай тоглоно. Тоглолт Улааанбаатарын цагаар 11.00 цагаас эхлэх юм байна.

Ч.БОЛОР

Гэрэл зургийг Э.МАГНАЙБАЯР.

Гэрэл зургийг Э.МАГНАЙБАЯР.