"Улаанууд"-ын Англи довтлогч Даниель Старриж багийнхээ бэлтгэлд нэгдлээ. Өнгөрсөн наймдугаар сараас хойш талбайд гараагүй англи залууг гуя болон тугалан булчингийн гэмтэл зовоож байсан бөгөөд тэрбээр бүрэн эдгэрсэн гэдгээ өөрийн твиттер хуудсаар мэдэгдсэн байна.

Түүний эзгүйд баг нь Премьер лигийн 11 тойргийн дараах байдлаар ердөө 14 оноотой 11 дүгээр байрт яваа юм.
Мөн өнгөрсөн зун Луис Суарезийг орлуулахаар авчирсан Марио Балотеллигийн хувьд хангалттай тоглолтыг үзүүлж чадахгүй байгаа бөгөөд Премьер лигт нэг ч гоол хийгээгүй байгаа учир "Ливерпүүл" клуб Англи залуугийн эргэн ирэлтийн тэсэн ядан хүлээж байна. Старриж шигшээ багийн завсарлагааны дараа арваннэгдүгээр сарын 23-нд "Кристалл Палас"-ын эсрэг тоглолтод эргэн ирэх төлөвлөгөөтэй байна.

Б.ХОСНАМАР

Эх сурвалж: www.mminfo.mn