МЗЭ-ийн шагналт зохиолч, яруу найрагч Готовын Нямаа агсны “Цадиг хууч” роман шинээр хэвлэгджээ. Энэхүү бүтээлээрээ тэрээр 1999 онд МЗЭ-ийн шагнал хүртэж байсан бөгөөд энэ удаагийнх нь гурав дахь хэвлэл нь юм. Энэ удаад романыг зохиолчийн гэр бүлийнхэн нь хэвлүүлсэн бөгөөд энэ сарын 24-нд “Интерном” их дэлгүүрт нээлтээ хийх юм байна.   

Зохиолч Готовын Нямаа нь 1942 онд Ховд аймгийн Буянт суманд төрсөн бөгөөд М.Горькийн нэрэмжит Утга зохиолын дээд сургуулийг дүүргэжээ. Тэрээр "Шувууд тэнгэрт хонодоггүй" зэрэг яруу найргийн дөрөв, "Хүүхдийн нүд" зэрэг хүүхдийн зохиолын дөрөв, "Өвгөн улиас" зэрэг өгүүллэгийн гурван ном тус тус хэвлүүлсэн юм.

Т.ДАРХАН