Испанийн Ла лигт “Реал Мадрид” болон “Барселона” клубүүдтэй өрсөлдөж байсан “Атлетико Мадрид” болон “Валенсия” клубүүд оноо алдаж, гурав, дөрөвдүгээр байр руу ухарлаа.

Эхний 10 тойргийн дараах байдлаар хоёрдугаар байрт бичигдэж байсан “Валенсия” клуб 11 дүгээр тойрогт  “Атлетик” клубыг талбай дээрээ хүлээж авч, гоолгүй тэнцсэнээр хоёр оноо алдлаа. Ингэснээр  24 оноотой болж, гуравдугаар байр руу унаж байгаа юм.

Тэгвэл гуравдугаар байрт бичигдэж байсан “Атлетико” клуб “Реал Сосьедад”-ын талбайд зочлон, 2:1-ээр хожигдсоноор дөрөвдүгээр байр руу уналаа.  Тоглолтын 10 дахь минутад Манжукич гоолдож, зочид тэргүүлж эхэлсэн.

Гэвч 15 дахь минутад Вела тэнцүүлсэн бол 82 дахь минутад Агирречче хожлын гоолыг оруулжээ. Энэ тойрогт хожсоноор “Реал Сосьедад”  есөн оноотой болж байгаа юм. Гэхдээ “хомоол хамагч”-дын эгнээнээс гарч чадаагүй байна.

Н.БОЛД

Эх сурвалж: www.mminfo.mn