“Цөмөөхэй” бүжгэн жүжгийг Гавьяат жүжигчин Д.Алтанхуягийн найрууллагаар шинэчлэн Драмын театрт ирэх арванхоёрдугаар сарын 24-28-ны хоород хүүхэд багачууддаа зориулан тоглохоор болсон.  Уг жүжигт 200 гаруй хүүхэд тоглох гэнэ. Тиймээс бүжгээр хичээллэдэг  хүүхэд багачуудын дунд сонгон шалгаруулалт явуулахаар болжээ.  Сонгон шалгаруулалтанд оролцох хүсэлтэй хүүхдүүдийг  арваннэгдүгээр сарын 19-ны дотор Улсын драмын эрдмийн театрт бүртгэх юм. Харин шалгаруулалт  арваннэгдүгээр сарын 22, 23-нд Хөгжим бүжгийн коллежийн байранд болох аж. Шалгарсан хүүхдүүд Хөгжим бүжгийн коллежийн балетийн ангийн хүүхдүүд, Бүжгийн их сургууль, Дуурь бүжгийн эрдмийн театр, ОХУ,Япон зэрэг орнуудын мэргэжлийн бүжгэн жүжигчидтэй хамтран нэгэн тайзан дээр мэргэжлийн симфони найрал хөгжимтэй бүжиглэх аж.

Э.ТЭКҮ