Сүүлийн хэд хоног Холливуудад гялалзаж буй “Twilight”-ын гурав дахь анги “Eclipse” ашиг орлогоороо өмнөх хоёр ангиасаа илүү гарч магадгүй хэмээн мэргэжилтнүүд үзэж байна. Учир нь өнгөрсөн зургадугаар сарын 30-нд нээлтээ хийсэн уг кино тав хоногийн дотор 300 орчим сая ам.долларын ашиг олоод байгаа аж. Энэхүү кино нийтдээ хэдий хэрийн ашиг олж, гол дүрийн жүжигчид хэдэн сая долларын ашиг хүртэх бол гэсэн асуудал олны анхаарлын төвд ороод байна.
Өмнөх хоёр ангиас тодорхой хэмжээний хувь хүртэж байсан гол дүрийн жүжигчид болох Robert Pattinson, Kristen Stewart болон Taylor Lautner төгсгөлийн анги болох "Breaking Dawn"-аас тус бүр 25 сая ам.долларын ашиг хүртэх аж. Мөн дээрээс нь киноны орлогоос хамааран 7.5 хувиар нэмэлт  ашиг авах ба эдгээр нь нийлээд ойролцоогоор  41 сая ам.доллар болж байгаа аж.

Юутай ч цус сорогчдийн түүхийг өгүүлсэн цуврал киноны гуравдугаар анги “Eclipse” нээлтээ хийсэн эхний долоо хоногтоо л “Box Office”-ыг тэргүүлж, гараагаа амжиллтай эхэллээ.

Н.Наран