Залуу уран бүтээлч А.Шинэтулга өөрийн анхны уран бүтээлээ сонсогчиддоо сонордууллаа. Дуучны хувьд “Universe best songs 2012” наадмын шилдэг оролцогч бөгөөд мэргэжлийн дуучин болохоор Соёл урлагийн их сургуульд суралцаж байгаа гэнэ. Тэрээр цаашид поп чиглэлээр уран бүтээлээ туурвих юм байна.

А.Шинэтулга өөрийн уран бүтээлийн эхлэл болгож “Alone” буюу “Чамгүйгээр” дууны аяыг хөгжмийн зохиолч, продюсер Оки зохиож, үгийг нь реппер Quiza бичжээ. Харин дууны бичлэгийг “Нэгүн” студид бүтээсэн бол клипийг найруулагч Б.Чингүүн найруулан “Аурора” энтертайнмэнтийнхэн хийж гүйцэтгэсэн юм. 

Клипэнд, аз жаргалтай нэгэн хосын хайр дурлалын түүхийг харуулах хэдий ч хайртай хүнээсээ үлдэн хоцорч, он цаг хугацааг орь ганцаараа өнгөрүүлж байгаа нэгэн залуугийн тухай гарах ажээ. Элдэв чамирхалгүй энгийн хийцтэй клип бүтсэн ч залуу уран бүтээлчийн дуулсан анхны уран бүтээлийн аялгуу, дуу хоолой хөгжим сонирхогчдод таалагдана гэдэгт итгэлтэй байна.

Э.ТЭКҮ