Монголын загварын ертөнцийн хамгийн нэр хүнд бүхий “Гоёл” наадмын тэргүүн дээд шагнал "Топ модель"-ийн өргөмжлөлийг өнгөрсөн жил хүртэн 14 дэх топ болж, олны анхаарлын төвд орсон бүсгүй бол С.Ариун­билэг.

Түүний хувьд тогтвортой хувийн амьдралынхаа та­лаар бахархан ярьж, нөх­рийгөө "Миний анхны бөгөөд эцсийн хайр" хэмээн тодотгож ярилцлага өгч байсан удаатай.

Гэвч мисс бүсгүйн хэлсэн үгс нь мартагдаагүй байхад л шинэхэн амрагтай болж, түүнийгээ ч олноос нуухгүй нялуурсаар явна. Дунд сур­гуулиасаа үерхсэн гэх экс нөхрөөсөө топ модель болсныхоо дараахан салж, шинэхэн хайртайгаа учир­сан түүнийг охиноо өөрөө өсгөж байгаа гэх юм билээ.

Юутай ч цаг цагаараа бай­­даггүй гэдэг шиг С.Ариунбилэг шинэхэн хайртынхаа зургийг "Миний хайр" хэ­мээн тодотгон, "Хайртай хүнтэйгээ байх л хамгийн жаргалтай" хэмээн фейсбүүк хуудсандаа бичжээ.