“Амжилтаа ахиулъя” төрийн бус байгууллагын санаачлагаар Монголын хөлбөмбөгийн холбооны дэмжлэгтэйгээр “Нэг сэтгэл” уриатай хандивын заалны хөлбөмбөгийн спорт өдөрлөг тун удахгүй болох гэж байгаа билээ. Тус өдөрлөгт Монголын хөлбөмбөгийн холбооны шүүгч нар нэгдэж, тэмцээнийг үнэ төлбөргүй шүүхээр боллоо. Өдөрлөгийн ивээн тэтгэгч байгууллагаар “Tiger” брэнд ажиллах нь ээ. “Tiger” брэнд нь энэ жил хоёр дахь удаагаа “Tiger Street Football” олон улсын тэмцээнийг амжилттай зохион байгуулсан бөгөөд хөлбөмбөгийн спортыг идэвхитэй дэмждэг гэдгээр нь хөлбөмбөг сонирхогч залуус андахгүй сайн мэдэх биз ээ. Хоёр дахь удаагаа “Tiger” брэндээс зохион байгуулсан тус тэмцээнд Монголчууд амжилттай оролцож Сингапур улсад болсон тоглолтноос хоёрдугаар байрыг эх орондоо авчирч чадсан юм. Мөн өнгөрсөн жил буюу 2013 онд эл компанийхан Италийн хөлбөмбөгийн шигшээ багийн ахлагчийг Монголд авчирсан бол энэ жил Португалийн шигшээ багийн алдарт тамирчин Деког авчирсан юм. Тиймээс энэ удаад ч мөн энэ жилийн хамгийн анхны заалны хөлбөмбөгийн тэмцээний дэмжигч байгууллагаар оролцож байгаа юм.

“Нэг сэтгэл” хандивын заалны хөлбөмбөгийн тэмцээн арваннэгдүгээр сарын 8,9-нд Монголын хөлбөмбөгийн холбооны спорт зааланд 09.00 цагт эхлэх юм.

Ингээд тэмцээний хувиартай танилцья.

Э.ТЭКҮ