Ерөнхий сайд Н.Алтанхуяг хоёр жилийн өмнө Баянхонгор аймгийн Засаг дарга Д.Жаргалсайханыг батламжилсан захирамжаа саяхан хүчингүй болгосон. Тэгвэл Ерөнхий сайдын захирамжыг хүндэтгэж өчигдөр буюу 2014 оны 10 сарын 27-нд Баянхонгор аймгийн Засаг дарга Д.Жаргалсайхан үүрэгт ажлаа өөрийнхөө орлогч Д.Ганбаярт хүлээлгэж өгсөн байна. Д.Жаргалсайхан хоёр жилийн хугацаанд Баянхонгор аймгийг удирдаж ажилласан юм. Тэрээр шүүхэд гомдол гаргасан бөгөөд сум, дундын  гуравдугаар шүүх 2014 оны наймдугаар сарын 18-ны өдөр Д.Жаргалсайханы хүсэлтийг хянан хэлэлцэж Хүсэлт гаргагч Д.Жаргалсайханыг 2010 оны аравдугаар сарын 1-ний өдрөөс 2013 оны арванхоёрдугаар сарын 13-ны өдрийг хүртэлх хугацаанд Баянхонгор аймгийн Ардчилсан намын даргаар ажиллаж байсныг төрийн албанд ажиллаж байсанд тооцох хууль зүйн үндэслэлгүй байна…” гэж үзээд байсан юм.

Л.ХАЛИУ