Нийслэлийн иргэд хотоороо аяллаа | News.MN

Нийслэлийн иргэд хотоороо аяллаа

Хуучирсан мэдээ: 2014.10.28-нд нийтлэгдсэн

Нийслэлийн иргэд хотоороо аяллаа

Нийслэлийн Аялал жуулчлалын газраас жил бүр “Нийслэлийн өдөр”-өөр хүүхэд залуусыг Улаанбаатар хотын үйлдвэр, аж ахуйн болон түүх соёлын дурсгалт газруудтай танилцуулах аяллыг зохион байгуулдаг уламжлалтай. Энэ удаагийн аялалд Монголд сурч байгаа гадаад оюутнууд, Сэлбэ голоо цэвэрлэж үе тэнгийнхэндээ үлгэр дуурайл болж буй 117-р сургуулийн 7б ангийн сурагч З.Буянхишиг ангийнхаа хүүхдүүдийн хамт мөн нийтийн үйлчилгээний Улаанбаатар нэгтгэлийн ажилтнууд оролцлоо. Оролцогчид Үндэсний түүхийн музей, Богдхан уулын Их тэнгэрийн амны хадны зураг, Ус сувгийн удирдах газрын Усны сургалтын төв зэрэг газруудтай танилцсан юм. Аяллын турш хотын соёл, хотын түүхийн талаар мэргэжлийн хөтөч-тайлбарлагчид танилцуулга хийж, оюутан залуус жуулчны хөтөлбөрөөр нэг өдөр аяллаа гэж Нийслэлийн Аялал жуулчлалын газраас мэдээллээ.

 

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж