Нийслэлийн сүлд тэмдэг бүхий шуудангийн анхны маркийг худалдаанд гаргалаа | News.MN

Нийслэлийн сүлд тэмдэг бүхий шуудангийн анхны маркийг худалдаанд гаргалаа

Хуучирсан мэдээ: 2014.10.27-нд нийтлэгдсэн

Нийслэлийн сүлд тэмдэг бүхий шуудангийн анхны маркийг худалдаанд гаргалаа

Нийслэлийн 375 жилийн ойн хүрээнд нийслэлийн ЗДТГ-ын захиалгаар Монгол шуудан компаниас гаргасан нийслэлийн сүлд тэмдэг бүхий шуудангийн анхны маркийг Монгол маркийн музейд хүлээлгэн өгөх, худалдаанд гаргах ёслолын ажиллагаа өнөөдөр боллоо. Тус үйл ажиллагаанд нийслэлийн ЗДТГ-ын дарга Ё.Гэрэлчулуун, Монгол Маркийн газрын дарга Д.Ганболд нар оролцсон юм. Нийслэл анх удаа өөрийн гэсэн марктай болж байгаа бөгөөд тус марканд нийслэлийн сүлд тэмдэг бүхий Хангарьдыг тойруулан 1911 оны Их хүрээ, 1958, 1982 оны Улаанбаатар хотын төв гудамжны өнгө төрх, өнөөдрийн Улаанбаатарын хөгжлийн түүхийг харуулсан зургуудыг оруулсан байна. Нийслэлийн анхны шуудангийн маркыг Монголын Маркын музейд хадгалуулж байгаа юм. Энэ үеэр нийслэлийн ЗДТГ-ын дарга Ё.Гэрэлчулуун “375 жилийн түүхтэй Монгол Улсын нийслэл Улаанбаатар хот түүхт ойгоороо анх удаа шуудангийн марк гаргаж, Маркын музейд хадгалуулж байгаад таатай байна. Энэ бол хотын түүхэнд бичигдэх бас нэг чухал үйл явдал болж байна”  гэж тодотгон хэллээ. Нийслэлийн 375 жилийн түүхт ойн маркыг 1000 ширхэг гаргасан бөгөөд өнөөдрөөс худалдаанд гаргаж байна. Мөн энэ үеэр нийслэлийн түүх, хөгжил дэвшил, нийгмийн өөрчлөлтүүдийг гэрэл зургийн хальсанд буулгасан Гэрэл зургийн үзэсгэлэнг олны хүртээл болголоо. Нийслэлийн ЗДТГ-ын байранд байрлуулсан гэрэл зургийн үзэсгэлэнгээс нийслэлийн өнгө төрх хэрхэн өөрчлөгдсөнийг иргэд харах боломжтой гэж Нийслэлийн ЗДТГ-ын Хэвлэл мэдээлэл, олон нийттэй храилцах хэлтсээс мэдээллээ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2014-10-27 202.170.84.7

Ug ni saihan ajil bna. Gehdee her zereg zardal gargaj, her zereg ashig oldog yum boldoo. Ashiggui yum bol uls orond bolj bgaa uil yavdal bolgond mark gargaad baih shaardlaga bna uu. tegeed yagaad zaaval 375 jileer ni mark gargaj bgaa yum. Uul dargiin sanaachlaga uu

NewsMN Гар утасны хувилбар Татах
NEWS.mn

Мэдээллийн эх сурвалж